السلام .. عليكم ..
انا اول مره اروح دبي
ووصولي لدبي بيكون الساعه 9 الصباح يوم السبت
والعوده بتكون يوم الثلاثاء الساعه 9 بالليل
ابغى جدول حلو لهالايام
للعلم اني حابه ازور
- الامارات مول
- اجلس على الشاطيء اللي يكون قريب لبرج العرب ( عشاء او غداء) بس مو عارفه مطاعم تكون مناسبه للخليجيين
- ودي امر دراغون الصيني
- القرية العالميه _ ملاهي
- ودي اسبح على شاطيء بس يكون مافيه ناس
مول الإمارات غني عن التعريف حلو والأحلى سكي دبي
وعن المطاعم القريبة من برج العرب في مدينة الجميرة عبارة عن سوق تراثي وفنادق فاخرة ويوجد فيها مطاعم تصلح للخلجيين و تطل على بحيرة وتجول القوارب فيها والأحلى تشاهدون العصرين القديم والحديث والقارب لشخص بمبلغ زهيد 50 درهم
وعن السباحة إحنا كل ما نجي دبي نروح شاطئ الجميرة بالمسا
وعن دبي مارينا( مرسى دبي) وذا ووك (الممشى) قربين من بعض يعني خلف بعض حلو وموجود في دبي مارينا مول جديد مارينا مول ومطاعم أما ذا ووك الممشى فهو قريب من شاطئ الجميرة عبارة عن بنايات ومطاعم ومحلات خارجية
وكل هذا ما عليكم إلا تقولون للتاكسي
وعن الإكواريوم موجود ب دبي مول وأيضا في منتجع أتلانتس بجزيرة الجميرة
وتقدرون تخلون اليوم علشان ماتشتتون في دبي مارينا و ذا ووك ومنتجع أتنلانتس كلها قريبه من بعض
والقرية العالمية مفتوحة حتى أول مايو
ودراغون الصيني ما عمري جيته
والأماكن الحلوة بعد دبي فيستيفال سيتي عبارة عن مجمع وفيه بالخارج بحيرة وفيها مطاعم عالمية وتجول فيها بعد قوارب بالمجان
ودبي مول ومول البحار كلها في نفس المكان ومراكز جديدة
وبرجمان سنتر وسيتي سنتر وأبن بطوطة مول مركز كبير وفيه كذا ردهة وتكي كل ردهة عن حياة أبن بطوطة
أتمنى أن أفتك ورحلة موفقة إن شاءالله