وعليكم السلام ....
يامرحبابك اخوي صادق الاحساس وابشر ياغالي
المنطقة اللي فيها الحشرات المضيئة هي كوالا سلانجور وهي
قريبة نوعاً ما من شاه علام ... الافضل انك تاخذ تاكسي او سيارة
يكون مرافق لك في كامل الرحلة ... لانه جنب المسجد فين تلقى تاكسي
وافرض انك لقيت راح يضاعف الحساب لانك وقتها محتاج تاكسي ولو قال
لك 100 وهي حقها 20 ممكن ترضى ... عشان كده نسق مع شخص
من كوالا واشرح له وجهتك ووبرنامجك وخلوها باتفاق ...
افرض اخذت تاكسي من شاه علام لاجل تتفق وما تدري يرضى ولا لا
اجل خذها من اولها وبدايتها ...لو نقول انك راح تنزل باحدى الفنادق
القريبة من النهر اللي فيها الحشرات وترجعوا اليوم الثاني نقول
اسهل شوية ولكن بغيت ترجع في نفس اليوم اجل خذ رجل ثقة من كوالا
وخليه بكامل المشوار و50 ريال زيادة فدا لاجل راحة البال ولاكيف
تحياتي لك ورحلة سعيدة بأذن الله والسلام عليكم

تسلم اخوي الشعيبي
وكلامك كله سليم وصحيح وأكيد راح اخذ بنصيحتك
بس انا لاحظت شيء بخصوص الحشرات المضيئة
والموضوع هذا مخوفني شوي ومسبب لي تردد
حديقة الحشرات المضيئة لازم تروح لها بالليل
ومكانها خارج عن المدينة وفي طريق شبه زراعي
وياخذك قارب في وسط النهر بحيث ماتشوف غير الظلام
ولاحظت انك ركزت على كلمة خذ لك سواق يكون ثقة
فهل هذي الرحلة فيها امان ولا الموضوع يخوف ؟؟
وخصوصا ان بيكون معاي زوجتي وطفل عمره سنة ونصف

الله يسلمك ويبقيك اخوي صادق الاحساس
عجبني قوة ملاحظتك ماشاء الله تبارك الله ...
ابغى اقولك روح ما اقدر ... ابغى اقول لك لا برضه ما اقدر ...
اقول لك اللي عندي وعلى الله ... صادق انه يبغى لها روحة ليلية
لاجل تشوف الحشرات المضيئة اكيد ما راح تشوف ضوئها في
النهار ... وهي منتشرة بنهر سلانغور واغلبها قرى زراعية ....
وان ما كان ثقة يدق دقة بسيطة لشباب الويكا وفي اي لفة
و بجانب اي شجرة في الغابات المنتشرة يسوي اللي يبغاه ..
اقلها اقلها ان كان قلبه فيها حنية يسرقكم والسلام ...
اكلمك بكل صراحة ... ما نخوفك ياسيدي ولكن السائق الثقة
مهم وخاصة في رحلات طويلة مثل هذه وفي شبه قطعة .
والشباب حطوا ارقام لرجال فيهم الخير .. انت خذ رقم ونسق معاه
هذه الرحلة ... ان كان السواق طيب راح تكون الرحلة متعة .
وان كنت متخوف من الرحلة بلاش منها ...
ان وصلت هناك وشفت البلد اكيد راح تتعرف على ناس طيبين
واهل تكاسي فيهم الخير او حتى عندك الفندق نفسه او مكتب سياحي
موثوق يقوم معاك بهذه الرحلة ... صح اغلى بس اضمن
اتحلت المشكلة واتوكل على الله ...
اذكر بعض الاخوة قالوا انهم ندموا على روحتهم للحشرات المضيئة
ولكن اشوف انها متة وتجربة جديدة وزيادة ايمان بأذن الله
يكفي بس انك تمسك الحشرة وتضيء لك في يدك وتقول سبحان الله
اتمنى لكم رحلة سعيدة وربي يحفظكم من كل شر والسلام عليكم

اخوي الشعيبي
تسلم الله يخليك
فعلا كلامك منطقي وعقلاني
وحلولك اللي ذكرتها مناسبة وتجعل الواحد اكثر اطمئنان
والخوف ممكن يزول لو كان الطريقة اللي رحت فيها رسمية