وعليكم السلام
انا بجاوبك على استفسارين:
اولا: بالنسبه للمترجم ويكون سائق ممكن تكلم شركات السياحه يوفرون لك سائق يتكلم الماني وهو اصلا عربي وانا انصحك اذا رايح سياحه وتتكلم انجليزي ماراح تحتاج مترجم الا اذا كانت السفره للعلاج بس خذلك سياره فيها نافيقيتر انجليزي لأنه اوفر بكثير ( مثلا السياره بالسائق المترجم راح تكلفك 300 يورو في اليوم).
ثانيا :بالنسبه للطيران انا رحت على السعوديه لميونخ لاكن فيها وقفه واحده في فيينا تأخذ ركاب وتكمل بدون نزول او تأخير كثير والله ما حسينا فيها كأننا دايركت.

1. بس السفاره كانت في بون وانقلت من سنتين تقريبا لبرلين


2. من ميونخ لين بون تقريبا 650 كيلو تقريبا راح تاخذ 5 ساعات بالطريق

المكتب الطبي السعودي اخوي موجود في بون

بس السفاره كانت في بون وانقلت من سنتين تقريبا لبرلين

عن السكن في بون اذا بتكسن في بون الرئيسيه ويسمونها بون 1 ممكن تسكن ف الهلتون او المراتيم
اذا حاب تسكن في بون باد غوديسبرغ تقدر تسكن في فندق آنسل او ايدلر ومنطقة باد غوديسبرق هي المنطقه اللي موجود فيها المكتب الطبي واساسا كلها خليج لددرجة اني عرفت من الالمان انهم مسمين شارع فيها شارع الامير عبدالله لكثره الخليج فيها
في ديسلدورف افضل فندق وروعه هو فندق الانتركونتننتال مواجه لشارع الملوكوقريب منه فندق الهوليدي ان حلو بس ماجربته

من ميونخ لين بون تقريبا 650 كيلو تقريبا راح تاخذ 5 ساعات بالطريق

بون وكولن وديسلدورف تقدر تتنقل بينهم بالقطار ولوحة الاوقات ف المحطة ماتضيع بس اعرف الوقت واي رصيف لازم تنتظر فيه
كل ساعه والدقيقه 58 يعني 1 و58 , 2 و58 , 4 و58 المهم انه كل ساعه لين اخر قطار الساعه 7 و 58 يطلع قطار من محطة ديسلدورف هابت باهن هوف ل بون ولمنطقة باد غوديسبرغ وطبعا يمر على كولن اسم القطار كوبلنز ورقم الرصيف 16 واحيانا يعلنون انه تغير الرصيف ل 15 كلهم بنفس المكان مابتظطر تنزل الدرج ولا شئ لان نفس الرصيف 15 ع اليمين و 16 ع اليسار
ومن كولن يطلع قطار على كل ساعه والدقيه 32 ل بون على الرصيف رقم 9
ومن بون تقدر تطلع لكولون وديسلدورف من رصيف رقم 1 كل ساعه بودقيقه بالضبط
واذا سكنت في باد غوديسبرق تقدر تروح ل بون الرئيسيه وكولن وديسلدورف كل ساعه و 54 دقيقه من ممر رقم 2
اسأل عن محطة القطارات الرئيسه واكيد بيدلونك عليها تبين وهي DB
بالنسبه للمترجمين تقدر تكلم مكتبكم الطبي في بون وبيمدونك بمترجم من عندهم
بالنسبه للسيارات مانصحك تشتريها من عندهم وهذا لان المواصفات للخليج تختلف عنهم وخاصه من ناحية التكيف
على فكره هذا اعتراف من ألمانيه وهي مهندسه كانت اهنيه بقطر قالت السيارات اهنيه مثلا بقطر افضل من سياراتهم هناك من ناحية المواصفات والزيادات
بالنسبه للشقق ماعرف عنها واايد بس كنت اقرى بالمطاعم او بالساحات اعلانات لعرب انه عندهم شقق للسكن تقدر تشوفها عندهم
بالنسبه للملاهي اسمها فانتازيا لاند هي بين بون وكولن في منطقة بغول Brule تنزل بالمحطة وطلع منها على محل السياكل تنتظر على يدك اليسار بيجيك باص فانتازيالاند كل ربع ساعه تقريبا ياخذكم للملاهي التذاكر تقدر تاخذها من السيرفس او المحطه الرئيسيه من مكتب الخدمه
تقبل تحيااتي