السلام عليكم ورحمة الله وبركاته
شحالكم شخباركم .. ان شا الله بخير
ترى أنا ما أخوف وأسئلتي خفيفة
المهم
أنا خاطري أقعد ب لوزيرن
وإذا ما عليكم أمر بغيت جدول حق 4 أو 5 أيام
ها على وين ليحن ماخلصت ..
لوزيرن قريبه من إنتر لاكن ؟ كم يبيلي عشان أوصل من إنترلاكن إلى لوزيرن
و كييف وشلون أوصل من إنترلاكن ل لوزيرن ..
بليز لاتييبون لي طاري السيارة
وألحين سؤال أخير .. من أقرب على زيورخ
إنتر لاكن أو لوزيرن
يعني ينفع أروح إنتر لاكن _ لوزيرن _ زيورخ
ولاا العكس
معلش بس ترى أول مره أجرب سويسرا وما أدل مكاان
وعليكم السلام ورحمة الله وبركاته
على بالك بتفتحين موضوع جديد
راح نرد عليكي
شوفي الخريطة أختي
لوسيرن او لوزيرن جايه في الوسط فوقها زيورخ وتحتها انترلاكن
ساعة واحدة في كل اتجاه
يعني يبيلكم يوم لزيورخ واتمنى يكون عندك وقت كافي لزيارة منطقو رابسويل بالبوت من زبورخ (جنوب)
ويوم او عدة ايام لأنترلاكن
وعموما السكن في لوزيرن غير محبذ لعدة اسباب منها غلاء الفنادق والشيء الآخر هو ان معظم النشاطات متركزة في انترلاكن وضواحيها
ممكن تسكنين 5 ليالي في انترلاكن و 3 في لوزيرن
طريقة التنقل سهلة جدا وهي القطار كل نصف ساعة قطار وما يحتاج حجز بين هذه المدن الثلاث
وهو جزء من القولدن باس الشهير
وبعض القطارات تكون بانوراما وجميلة (راجعي الدليل السياحي و اتبعي رابط جدول الرحلات)
ماشاالله عليك مسرع مارديت ..
يعني ماعندك فكره عن أماكن سياحيه هونيك في لوزيرن ؟؟