فكرة حلوة
بس لو فكرت فيها
غالباً الدول تحط كاونتراات مخصصة لكل طريقة في المعاملة
بمعنى تحط كاونتر للدول اللي ماتحتاج تأشيرة
وكاونتر للدول اللي تحتاج تأشيرة
ودول الخليج للحين تحتاج تأشيرة
والغريب ان الهنود تأشيرتهم لبريطانيا أسهل بكثير من تأشيرة الخليجيين
والأغرب ان البريطانيين مايحتاجون لتأشيرة مسبقة للدخول الى دول الخليج
فأعتقد ان هم مايشوفونها بنفس الطريقة اللي تفضلت فيها

ليش الخليجيين على راسهم ريشة امزح معك يالغالي لاتزعل
لا أعتقد انه هناك سبب مقنع لتخصيص مسار خاص للخليجيين لانه هذا الاجراء ستعتبره بعض الدول اجراء عنصري
فمثلا سياتي سكان الدول الاسكندنافية ويطالبون بتخصيص مسار خاص لهم مع العلم انه سكان هذي الدول اغنياء
في الغالب لاياتون للعمل بل للسياحة وسياتي اليابانيين ويطالبون بتخصيص مسار خاص لهم وهكذا بالنسبة للاسئلة
هذي اسئلة روتينية لجميع الناس من جميع الجنسيات انا في اخر زيارة لي للندن لم يتم توجيه اي سؤال لي
طبعا هذي وجهة نظري المتواضعة

عمي احنا قانعين بخليجنا وما نريد منهم شي..اهم شي احنا معززين مكرمين في مطارات الخليج..انا اكره الاسئلة في المطارات لكن وش نسوي كل مرة نجي لندن نفس الاسئله على الرغم ان احنا طلاب وسفراتنا كثيرة...الله يصبرك يا روح
تحياتي

حبيبي اقولها لك بصراحه وبدون زعل
انت زيك زي البنغالي هناك....اكرر انت زيك زي البنغالي
وهالكلام تاكدت منه يوم شفت انهم اخذوني على جنب يوم وصلت للكونتر حق مطار لندن ستانستيد...قالت لخويتها تعالي هذا سعودي....شوفي شغلك معه...جت واخذتني على جنب وهاتك يا اسئله....الفلبيني والهندي لايسالون اسئله زي هل تروح للمسجد؟؟ او وش رايك بافعال ابن لادن؟؟ او وين يشتغل ابوك بالسعودية؟؟؟؟؟...الخ
عموما اسلوبها كان محترم بس مساله انك يحطونك على جنب بمطار لندني صغير من بين الناس تاكدت بعدها انهم مايحسون اننا نختلف كثيرا عن باقي دول العالم الثالث حتى لو كانت بلداننا تعوم على بحر من النفط
تحياتي

أنا أؤيد كلام اختي/ أخوي الريف السويسري
أشوف إن دول كثيرة تكون مع بعض بنفس المسار أفضل و يحسسك هالشي إن الكل سواسية
أصلا ما كان في إلا مسارين واحد لدول الاتحاد الأوربي و الثاني لبقية دول العالم
و سألوني سؤال واحد على السريع عن سبب زيارتي لبريطانيا و إجابتي كانت للسياحة
لكن مدري إذا كانت هناك طريقة للتعامل مع الطلبة تختلف عننا أهل الفيز السياحية