لعموم الاخوه المسافرين برآ مرورآ بوادي الدواسر والمتجهين الى أبها والخميس
ذهبت العام الماضي اول مره بحياتي اذهب للجنوب من الرياض واتصلت على وزارة المواصلات قالو لي الطريق سريع من الرياض الى ابها قلت حلو اخذت العائله ومشيت وبعد الوادي وتثليث نجي للمشكله
الكبيرة اللي ازعجتني يجينا لوحه كبيرة فيها طريب يمين ووادي بن هشبل وخميس مشيط الى الامام
ذهبت طبعا مثل الكثير من المسافرين الى خميس مشيط وفجأه يتحول الطريق الى طريق واحد مزدوج
وفيه صعوبه ولفات وتدخل وادي بن هشبل وبعده تدخل خميس مشيط من جهة المنطقه الصناعية الاكثر ازدحاما والاكثر اشاراة مرور ...وبعد النظر في الخريطة وجدة ان الطريق السريع هو عن طريق طريب وكان من المفترض التنبية لذلك عند مفرق طريب ولكن للاسف الجميع ساكت ...وذهبت للمسئول في وزارة النقل في ابها وبعد سؤاله عن السبب قال والله ماني من اهل وادي بن هشبل ولا خوالي منهم ولا لي اي مصلحه بمرور المسافرين عن طريقها ووعد ان اغيرها باقرب وقت ...والمفآجأه السنه هذي رحت ولقيت الوضع نفسه ماتغير شي وقفلت معي وانا ادخل لمحافظة طريب وادخل على المحافظ واتكلم معهم وهم مجموعه وطارت عيونهم واخذو الموضوع بحماس بالغ وقلت لهم هذا الطريق يعرف الناس فيكم ياقحطان وينفع بلدكم اقتصاديا وصحيا وامنيآ انا بالرياض مااعرف عن طريب غير مطعم مثلوثه بالعليا لاكن يوم مريت وشفت ديرتكم تفاجأة بجمالها وطبيعتها (ايه هين) وبصراحه اول طريب ساحه كبيره مره فيها ححراج اغنام رخيص مره زين الواحد قبل يدخل ابها يزبن نفسه له بخروف منه وفيه شعيب كبير بين طريب وتندحه جميل مره ينفع لاهل البر فيه شجر طلح سبحان الله ماشفت اكبر منها ولا اخضر منها حتى انك تشوف المخيمات والكشاته فيه شي جميل مره انا تغديت فيه وكان بصراحه جو جميل مره ...
اتمنى اذا فيه معنا احد من اهل المنطقه ان يتواصل معي عبر هذا الموضوع او يكتب عنه بالصحافه لانه بصراحه يريح المسلمين ويكفيهم بأذن الله من عنا ومشقة هم بغنى عنها تمنياتي للجميع بالسفر السعيد والقدوم بالسلامه ...كل ذلك لااريد منه الا دعواتكم لابي وامي بالمغفره والرحمه ...