malak2012
31-12-2022 - 09:53 pm
مساء الخير للجميع
اولا حابه اشكر المنتدى الاكثر من رائع وكل القائمين عليه لانو بصراحه دليل كل مسافر واستفدت منو كتير في كل رحلاتي مصر تركياودبي موخرا
انا ان شاء الله الله راح ازورماليزيا للمره التانيه نهاية شهر 6 عربي اذا ربي ارادلانها بصراحه اكثر الدول عجبتني والسبب الثاني انو المره الاولى مااخذت اطفالي ودحين حابه اعوضهم فعندي كم استفساراذا بعد اذنكم؟
1/في الزياره الاولى زرت كوالالمبور وسلانجور ولنكاوي وبيننج وجنتج ,ودي المره حابه اغير راح احذف لنكاوي بايش تنصحوني فين اروح مدينه جديده ؟
2/لما رحت تركياالعام صرلي موقف جدا صعب والكل في المنتدى اكيد دري عنو وكمان قبل كم شهر في دبي ايش صار انو انا يمنيه الجنسيه ومقيمه في السعوديه ولما جا موعد رحلتنا ماطلعت الطياره وقالو لازم مواقفه من السفاره في جده والله لايوري مسلم ايش صار فينا من هجوله وخربطة حجوزات وانتو عارفين,وفي دبي لا بعد ماوصلت اترزعت في المطار عشان كيدا حابه اتاكد من دحين في اجراء لازم اسويه قبل اي شي رغم اني سافرت ماليزيا قبل كيدا بس للتاكيد صرت اخاف وربي ودي المره الاولى باخذ بناتي معايا عشان كيدا ماابغ شي ينكد علينا ان شاء الله؟
ادري اني طولت عليكم بس ماليا غيركم بعد الله ودحين حان وقت الاعتكاف على المنتدى لترتيب الجدول
مع خالص شكري
ملاك المدينه
