1. اولا بالنسبه للاكوا ادفنشر


2. الاسعار 150 للكبار او بحدود هذا المبلغ

هلا بروح دبي

اولا بالنسبه للاكوا ادفنشر

ملابس الاطفال خوذي لهم ملابس تناسبهم للسباحه وخوذي معاك مناشف او غيار عشان اذا خلصو يبدلون فيها - بالنسبه للمناشف تقدرين تاخذين منهم مقابل اعتقد 30 او 25 درهم للمنشفه الوحده
الافضل انك تجيبي معك انضف لكم - طبعا ياليت تكون معك شنطه صغيره زي حقت الرياضه تكونين واضعه فيها ملابسهم ومناشفهم وهم راح يعطونكم سيفتي بوكس (خزنه) تضعون فيها اغراضكم الشخصيه- طبعا اذا دخلتو خلو معاكم فلوس تحتاجونها داخل (مع ان هذا الطريقه ما اعجبتني لان فلوسك تتبلل)( لكن الوالد وادي يضعون رصيد بحسابك تقدر تستخدمه داخل واذا طلعت يردون لك الباقي)- لاتنسين احذيه خاصه للاطفال تصلح للماء مثل صنادل كروس او ا شي عندك يناسب هذا الجو
طبيعه الالعاب كلها مائيه
فيه الامواج يركبون علي طوق النجاة البلاستيك والامواج تحركهم
وكذلك لعبه حلوه تصلح للصغار مره زي خيم البلاستيكيه اللي في الملاهي لكن كلها ماء في ماء
وزحلايق لكن كله ليات ماء تصب وسطول صغيره وكبيره بعد
فيه شاطي رمال بيضاء مره حلو وجلسته حلوه ودايم فاضي لان الناس مشغوله بالالعاب وشي من ها القبيل وفيه برضه شغلات ثانيه

الاسعار 150 للكبار او بحدود هذا المبلغ

لا تروحون للكونتر اللي عليه الصينيه روحو لاي كونتر عليه هنديه لانه ممكن تحسب لك الصغار علي انهم كبار لانه بالطول مو بالعمر( ممكن تشوفين كتاب التخفيضات ممكن يفيدكم هنا يباع في المحلات الكبيره فيه تقرير عنه هنا لواحد من الاعضاء اسمه هيمو اطلعي عليه)
طبعا هذي الاكوادفنشر هي موجوده بالاتلانتس
والاتلانتس عباره عن منتجع كبير اي واحد ممكن يدخله فيه اكواريم وكوفي شوب ومطاعم ودخوله مجانا
زيارته حلوه لانه اضافه للخليج- ديكوره عجيب - وفيه مطاعم تطل علي البحر وجلستها حلوه مثل مطعم نسيمي

• برج العرب ممكن تحجزي باي مطعم فيه وتدخلي عادي

بس مطاعمه غاليه
فيه حديقه حيوان في جميره في دبي صغيره وحلوه فيها اغلب الحيوانات وتفي بالغرض
العين تبعد 150 كيلو عن دبي ولم ازور الحديقه اللي فيها

لا خلا و لا عدم
كفيت و وفيت
يعطيك الف عافية
طيب سوال اخير
هل اصرف الالريال للدينار قبل اسافر
او عادي يقبلون الريال السعودي

لالا --ضروري تصرفون قبل ما تروحون لان مو مثل البحرين ريالنا يمشي عندهم
لازم تصرفون من هنا - مو بالضروره تصرفون كل المبلغ اصرفو جزء - وهناك الصرافين موجودين في كل مكان ومول بس حاولو لا تصرفون باقل من 100 ريال تعطي 97 ونص درهم
لكن فيه محلات تعطي اقل احيانا 95 درهم لا تصرفون منهم
عندك صراف الانصاري للصرافه اسعارهم حلوه
اهم شي اصرفو قبل ما تروحون - ترا سعر الصرف هنا افضل ممكن ياصل 100 ريال تعطي 98 درهم

كيف العين تبعد 150 كيلو عن دبي
الفرق بين دبي والعين جسر فقط
والمسافه تقريبا من العين الى دبي 10 دقايق

حازم الاحمدي
اي عين تقصد يا حازم ؟؟
العين مدينه تتبع لامارة ابو ضبي وتبعد ساعه او اكثر عن دبي
هذى المعلومات اللي نعرفها عن العين واول مرره اسمع عن هذ الجسر
يا ليت اذا فيه معلومات تقول ان العين 10 دقايق عن دبي .

من جد جديدة هذة
جسر بين دبي والعين ,,, وعشر دقايق
الشارقة وهي جنب دبي تأخذ وقت اكثر
ولا لا

معليش اضيف سؤال
ادري طولتها
بس بسال كيف وضعي بيكون بالعباية بالكوفي الثلجي
الاكوافنشر بيدخلوني ؟؟؟؟؟؟؟؟

باروح لدبي
i هلا بروح دبي
شكلك في سكي دبي بيكون عادي جدا جدا راح تلقين خليجيات وسعوديات
بالعبايه والحجاب - يعني ما راح يكون شكلك غريب ولا ملفت للنضر
وهم متعودين علينا
وراح تشوفين رجال بالغتره والعقال داخلين عادي جدا جدا
اي نعم الاكوادفنشر بيدخلونكم عادي
شفت كثير خليجيات داخلين مع اولادهم
بصراحه ما راح يستمتعون مثل اللي يلعبون بس الوقت اللي بتروحون فيه بيكون
الجو حلو وممتع وانا با قول لك علي شغله اذا رحتي هناك
فيه شاطي خاص فيه وعليه قعدات ورمل ابيض تقدرين تجلسين هناك جزء من الوقت اثناء لعب الاولاد - بالاضافه تقدرين تطلعين وتاخذين لفه في الاتلانتس وتتمشين وتدخلين اي كوفي
وترجعين للاكوادفنشر لانهم راح يضعون لك مثل السوار تدخلين وترجعين عادي

السلام عليكم
للاكوا ادفنشر
ممكن اعرف موقعه بدبي بالضبط؟
وشكرا لكم