وعليكم السلام والرحمة والبركة
اخي الكريم سواح
الطريقة الوحيدة هي تجيبلك وريقه من الغرفة التجارية بالقيام بزيارة تيالند لغرض التجارة وغيره مافيه اخوي ...
صدقني اخوي الوضع تغير والرايح لها دربه خضر وبدون أي مسئوليه مني

مساء الخير
عزيزي روح بدون تصريح عن طريق البحرين ولا الكويت ولا اي دوله وانبسط ووقت تجديد الجواز لاتدور لك واسطه ولا شي روح طبيعي وامورك بتمشي ان شاء الله
واحد من الربع اللي كان معانا راح بيجدد جوازه بواسطه وصادوه ومسكو جوازه شهرين وانا توني مجدده قبل عيد الاضحى ووالله بدون واسطه ولا شي انا وخوي يعني اثنين ولا احد درى ولا احد فتح جوازي مع العلم بان الجواز اللي القديم (( بدل فاقد )) يعني المفروض انه يدقق علي بس الحمد لله الامور سهالات وجددنا الجواز
وحجزنا على ابريل ان شاء الله بنكون هناك (( في عيد الماء ) )

اخوي تقدر تروحلها عن طريق جننتنغ بمركب بحري.. او خذ التذكرة على طيران الأمارات وتوكل على الله

Hesham
شكراً لتجاوبك أخي الكريم ..
ولكن الغرفه التجاريه يبيلها أخذ ورد .. ولازم يكون عندي سجل تجاري ( حسب ماسمعت ) ..
بإختصار هالطريقه أعتقد إنها ماتنفعني ..
وشكلي بسمع كلامك وبتوكل على الله ( ودربي خضر ) إن شاء الله
ألف شكر لك يالغالي ..
شقردي
هلا بالشقردي
( إسم على مسمى )
يالغالي بغيت أسألك خويك اللي صادوه مسكوه جوازه شهرين بس ..؟
يعني ماوقفوه عن السفر أو سحبوا جوازه أو من هالأشياء ..
يعني وش حصله بالظبط ..
لأني أنا سبق وتوقفت عن السفر ( سنتين ) بسبب فقدان جواز سفري في داخل البلد .. وخايف تتكرر معي المأساه .. وضربتين في الراس تووجع ياخوك ..!
وأنا سمعت أن تايلند تحط إستكر على الجواز أو ورقه يختمون فوقها وتقدر بعدين تنزعها .. هل هذا الكلام صحيح ..؟؟
ورووح الله يجبر بخاطرك مثل مارفعت معنوياتي ياشيخ
Awal_7abib
هلا وغلا .. والله يعطيك العافيه
بغيت اسألك يالغالي كم المسافه من جنتنج لتايلند .. وهل فيه حدود بحريه وجوازات ...؟
ومن وين يعطوني التأشيره ... أنا سمعت أنها من المطار فقط أو من السفاره ..!!
وشاكر لك مرورك العطر ..
لكم جميعاً خالص تحياتي وتقديري ..
محبكم سواح

الله يقويك اخوي ويسهل طريقك ...
بتلقف واقولك سالفة الورقه مر عليها الدهر وولا .. يعني الحين فيه ختم يحبه قلبك ...
تقدر تسافر من جنتنق لحد بوكيت بالعبارة وفيها جوازات .. لكن مدري الحين بوكيت وبعد التسونامي لك عليها مابعد زبطو وضعها ....
انطلق من كوالا - بانكوك بالطيارة وريح عمرك

Hesham
ياهلا بالغالي ..
طيب إذا سافرت لبانكوك ( ترا ماودي أقعد فيها ولا يوم ) .. أطلع منها على وين .. وش الجزيره اللي تنصحني فيها بدال جزيرة ( بوكيت ) ..!؟
وترا أعلمك من اللحين إذا صار شي عند تجديد الجواز ماعرف إلا أنت ههه
الله يعطيك العافيه ويكثر من أمثالك يالطيب ..

والله ياخوي مالي خبره بهالديره كلها سفره وحده لكن حسب الموجود هنا في المنتدى وخبرت الخبراء والمشرف الباتشينو قالو ان شانق ماي - مدينة الزهور ...
والعذر حبيبي على قلة الخبره وماعليك اذا مسكوك قلهم جايكم من طرف هشام وانسى الموضوع

السلام
لا ياخوي ماعاد فيه ورقه
الحين فيه ختم وفيزا يعني صفحه كامله تروح بس وقت التجديد خلك طبيعي وبتمشي امورك
وصاحبنا اللي انمسك مسكو جوازه شهرين و وخلوه يوقع على تعهد انه مايسافر تايلند وعطوه جوازه وسافر وزانت اموره بعدها , ولو بحلف ان التعهد مايدرون وينه

سلام ، حبيت أضيف معلومه أو تصحيح وهي أن الفيري (العبارة) تنطلق من لنكاوي لبوكيت وكرابي وبالنسبة لبوكيت رجعت زي ماكانت وإن كنت حاب الطبيعة فعندهم رحلات بحرية جميلة تحجزها من الفندق وسعر الشخص الواحد بيب 60 إلى 120 ريال للشخص ومن ضمن الرحلات زيارة جزيرة بي بي ، جزيزة جيمس بوند ، ويكون الغداء في قرية سكانها تقريبا 3000 شخص وهي منطقة إسلامية(لاتنسى أخذ المصاحف لتوزيعها للمسجد والمدرسة) وإلي يمز هذي القرية أنها فوق الماء ، والعديد من الأماكن الرائعة أعتقد أقل فتره تجلس فيها ثلاثة إلى أربعة أيام ،
وجهز معك صورتين ومبلغ ألف بات يعادل 100 ريال للفيزا وتاخذها من المطار
وأدعيلي