في شهر جولاي ياليت تردون علي الله يوفقكم

الجو حلو ملابس صيفيه وخذي معاها جاكيتات خفيفه لليل او الايام اللي فيها براد شوي بس الجو ربيعي مثل جونا هالايام واحيانا ابرد شوي تحياتي

افضل لك انك تاخذين جاكيتات لأن حتى لو صار برد الجاكيت يؤدي الغرض ورحلة موفقة

يعطيكم الف عافيه والله يوفقكم يارب
يعني آخذ معاي ملابس داخليه شتويه لهم هاي نك وكيذا ولا مايحتاج

شوفي جوهم بالضبط مثل جونا هالايام ساعات شمس وحر وبالليل برد شوي واحيانا بالنهار يصير برد اذا فيه مطر وغيووم بس عموما جو ربيعي

مثل ماقالت الاخت العنود
انا سبق زرت باريس اكثر من مره بالصيف في الليل الجو يبرد وينصح بارتداء الجاكيت للاطفال
انصحك قبل الرحلة باسبوع تزورين اي موقع توقعات الجو وهي كثير وتتعرفين على الجو والنصائح
رحلة موفقة

مشكورين الله يوفقكم يارب

اهوا حسب مرات اسبوع او اقل يكون حر موت وبعدها تحوشج موجه برد تحتاجين اندر وير خفيف لهم خصوصا انتر لكن وجنيف مع جاكيت خفيف وياريت لو تشترين من اهناك جاكيتات خفيفه لهم مايحتاي تحملين معاج خصوصا الجاكيتات المطريه

السلام عليكم ..
حبوبة اخذي جاكيت لكل ياهل
وخليه معاكم دايما بكل طلعاتكم علشان متى ما استبردوا اليهال يلبسونه وخلاص ريحي بالج
انا سافرت معي اعيالي 5 سنين و7 سنين وكان كل ما صار برد عليهم لبستهم الجاكيتات
وطبعا اهي جاكيتات صوفية تنشال باليد سهلة بالحركة مو ثقيلة علشان ما يتضايقون منها وتعيق حركتهم
اما بالنسة للبس فاخذي بعض البلوزات الخفيفة بكم طويل علشان يلبسونها بطلعاتهم
مو بس تاخذين كم قصير لأن الجو يبرد بالليل ..
ونصيحة لا تثقلين باللبس وان بغيتي اي شي من جاكيت ثقيل لا سمح الله لأي سبب ترا بتلاقين كل شي بالأسواق حوالينج بالشانز وغيره ...
وآخر شي لا تنسين تاخذين لكل ياهل كبوس خفيف يلبسونه مع الجاكيت
لأن الأذن بسرعة تتأثر بالبرد وهو من باب الاحتياط علشان ما يمرضون عليج ان شاء الله
وباذن الله اتسهل اموركم
مشاركاتي ...
عن تجربه ....... اهتم بصحتك و سافر https://artravelers.com