نشر في فيينا

لكل البنات اللى تسوقن من فيينا تعالن اباكن شوي

uae123

01-01-2022 - 01:40 pm

مرحبا
شحالكم؟
قرب السفر وبغيت اعرف شو المحلات المميزه واللي فيها أشياء هب موجوده عندنا؟؟
لاننا بنقضي 4 ايام في فييناا اخر السفره قبل لانرد للبلاد ولابد من الشووبينق
وابا اعرف شو الاشياء المميزه عندهم؟؟ واحسن المحلات؟؟
تحياتي
اختكم
الامارات

التعليقات (6)

روحي

01-01-2022 - 04:50 pm

للأمانه مافيها شي مميز .. انا عجبتني اسواق سالزبرج اكثر
وعموماً كله يعتمد على الذوق وشو هو الشي اللي تبينه
شارع ماريا هفلر من الستي سنتر لين محطة باهنوف كلها محلات
وان شاء الله البنات اللي يدلون الأماكن الخفيه يدلونج اكثر

ام الجوريه 99

01-01-2022 - 05:51 pm

مثل ماقالوا لك اختي فينا مافيها شي يستاهل وغريب والحمد لله انها كانت باول سفرتنا وبالنسبه للاسواق لموجوده مثل الي سبق (ماريا هلفر)وسوق المشاة اتمنى تلاقين شي يعجبك
بالنسبه لي كانت مشترياتي من باريس

نتالي

01-01-2022 - 06:52 pm

ام الجورية 99 بمأنج تسوقتي من باريس شو الأسعار ؟؟

حتشبسوت

01-01-2022 - 07:53 pm

أنتي من الأمارات اللي فيها كل حاجة حلوة ورخيصة وتسألين عن أسواق فينا الغالية والبايخة نصيحة أسواقهم ما فيها شي يستاهل حتى حلوياتهم مب حلوة عادية
أنتي بتروحين أن شاء الله وبتشوفين أسواقنا بالخليج أحلى و أرخص بألف مرة
روحي أنبسطي بالطبيعة والبنايات الحلوة والقصور وأرجعي بأحلى ذكرى وتروحين وترجعين بالسلامة

ماري

01-01-2022 - 09:56 pm

هلا أختي أمكان التسوق كثيره في فيننا ومن أهمها و أحسنها ..
1- شارع المشاه (الكيرتنر) Kartner strasse

2- شارع ماريا هيلفر Maria Hilfer Strasse

3- مجمع الدوناو زنترم donauzentrum

4-المجمع الضخم , شوبنج سيتي سود SCS - Shopping City Süd

مابي أكثر عليج انتي قاعده 4 أيام بس ..
أتمنى اني اكون افدتج ..
م ا ري

uae123

01-01-2022 - 10:57 pm

مشكوره ياعيوني وماقصرتي والله

فيينا المسافرون العرب

لكل البنات اللى تسوقن من فيينا تعالن اباكن شوي