معقوله 15 مشاعده ولا رد؟

1. اختي الكريمة السلام عليكم

Qatariaaa لغة النافيجيشن وتأجير السياره؟السلام عليكم ..
أنا ودي أسأل بالنسبه للي يبغي يأجر سياره في المانيا ويتجول في المناطق من ميونخ لى كولون وديسلدورف وهامبورج لازم يكون عنده رخصه دولية ؟
وبعدين الشي الثاني احنا شخصين ومعانا طفل سنتين شنو الافضل سياره ولا القطار
وسؤالي الاهم ... هل فعلا النافيجيشن (النافيجيتر ) بالعربي والانجليزي ولا بالالماني .... ياريت يكون بالعربي لان زوجي بتكون له اول مره يسوق في اوربا
أرجو افادتي الله يسعدكم

اختي الكريمة السلام عليكم

انا امس واصل من المانيا انا وزوجتي واستاجرنا سيارة من مطار ميونخ لانها الافضل بالتجول في اوربا وارخص تاجير بتحصلونه في المانيا
بالنسبة للتاجير ضروري الرخصة الدولية وسهل الحصول عليها ورسومها مايقارب 100 ريال سعودي ورخصة محلية سارية وبالكويت نحصل عليها من ال kt او النادي الاهلي للسيارات عندكم ما ادري بس ممكن تسالون سفريات اكيد بيعرفون او مكاتب التامين
الافضل سيارة افضل من القطار بالف مرة لان بصراحة بتشوفون مناظر جدا حلوة بالقطار ماراح تقدرون توقفون بعدين معكم طفل والافضل السيارة اذا تبون استراحة بتوقفون باي وقت واي مكان
لغة النافيكيشن المانية والانجليزية ودائما تكون اللغة المختارة الانجليزي واستعمالة جدا سهل
ولا تحاتين لانكم اول مرة بتستاجرون سيارة الطرق منظمة ولها احتارمها غير عن عندنا بالدول العربية الحلوة
ولازم تستاجرون من شركة التاجير كرسي خاص للطفل
اتمني اكون جاويتك جواب وافي واي سؤال انا حاضر

مشكور أخوي كويتي مان .. ماقصرت بس ماعليه بالنسبه لأجار السياره ناخذها مره وحده ونلف فيها وبعدين نرجعها اي مكان راجع للشركه عادي .... وكيف اسعار الاجار... وبالنسبه اجهاز النافيجيشن سهل ولا صعب الاستخدام ... لان بصراحه كذا مره سمعت وقرأت انه تعطل او كان يضيع العالم وهم مأجرين في اوروبا انت شرايك ... للعلم اني اول شي ببدا في (فيينا- زلامسي -سالزبرغ) بعدين (ميونخ -كولون -هامبورج-ديسلدورف)

هلا اختى
النافيكيشن صعب يتعطل واذا تعطل شركة التاجير راح تبدلكم السيارة او تبدل الجهاز لانكم لما راح تستاجرون سيارة بيعطونكم رقم تلفون 24 ساعة شغال لاي طارئ او مشكلة لاقدر الله ومكاتبهم في اوربا منتشرة او ممكن تشترون جهاز نافيكيشن خاص فيكم من ديرتكم ويكون شامل دول اوربا الغربية
وبالنسبة للسيارة تقدرون تسلمونها لاي مكتب للشركة بس راح ياخذون منكم رسوم لارجاع السيارة لبلدها الاصلي
واسعار الايجار حسب نوع السيارة يعني كل الاسعار موجودة واختاري اللي بناسبك وانصحك يوروب كار عن تجربة
http://www.europcar.com
بخصوص المدن اللي بتزورونها ياليت توضحين لي اول مدينة راح توصلونها
واي مساعدة انا حاضر

اختي الكريمة تحية طيبة لكي وبعد
بالنسبة للاسئلة التي طرحتيها سوف اجيبكي عليها لانني توني راجع من ميونخ والنمسا انا وزوجتي وولدي اي نفسكم تقريبا راح اقولج الآتي
طبعا ولد ديرتي الكويتي كفا ووفا جزاه الله خير لكن بقولج قصتي ونصيحتي وهي كالتالي :-
1- لا تاخذين ولدج معاج لان الطفل بعمر ولدي والله كرهني بالسفرة راح تقولين شلون راح اقولج اول شي الطفل مو متعود على الكرسي لانج لازم تخلينه فيه وممنوع تحطينه عندج بالامام او انج تجلسين معاه ورا طول الرحلة وثاني شي راح يدخوكم في المجمعات والاماكن السياحية فماراح تتمتعين بالمكان اللي بتروحين له بالافضل تخلينه عند اختج او اخوج واذا ما تقدرين فالله يعينكم.
2- انا اجرت من موقع الاوتويوروب وهذا موقعهم ( http://www.autoeurope.com ) وللامانة الناس ثقة حيل والعملية سهلة حيل واذا تبين مساعدة انا برسم الخدمة وراح يدزون لج على اميلج الحجز بس تسوين له طباعة او برنت وتروحين بمطار ميونخ مثلا وتعطينهم الورقة وعلى طول تاخذون سيارتكم وتمشيون والقيادة بالسيارة سهلة مليون بالميه نفس الخليج لا ويمكن احسن .
3- بالنسبة لموضوع القارمن او ( النافيجيشن ) فهو يباع بالكويت واعتقد عندكم يباع ايضا وفي عربي وانجليزي واللي تبينه وسهل جدا جدا وانا اساعدكم اذا تبون اي شي من مواقع بالنمسا او ميونخ وبالارقام بس ما عليكم الا شراء الجهاز لكن نصيحة اخو لاخته اشتروا جهازين وليس واحد لانني بسالزبورغ طفا علي مع اني شاريه قبل 10ابام من سفرتي وكان يومها اجازة فتبهذلت اخر بهذلة ليما لقد فندق وشريت جهاز من مجمع اليوروبارك فللاحتياط خلو معاكم جهازين اذا اخترب واحد الا عندكم الثاني بالشنطة واسعارهم بالنمسا نصف اسعار الكويت .
واول ما تبون تردون السيارة راح تقرون كلمة ( car rental return ) امشوا وراها لغاة ما تدخلون موقف التاجير راح تلقون ناس واجد يستلمون سيارتكم بس لا تنسون قبل التسليم تفولون السيارة سواء بنزين او ديزل اوكي
فاتمنى لكم رحلة سعيدة واذا تبون اي استفسار انا حاضر وبالخدمة والاعضاء انشالله ماراح يقصرون لان لهم فضل كبير علي قبل لا اسافر فاستفدت منهم وسوف افيدكم انشالله

1. اختي الكريمة بنت قطر


2. تحية طيبة وبعد

اختي الكريمة بنت قطر

تحية طيبة وبعد

انا توني راجع من ميونخ والنمسا انا وزوجتي وولدي عمره سنة و9شهر اللي طلعلي قرون بالسفرة فنصيحة عدم اخذ ابنكم لانه راح يكرهكم بالسفرة راح تقولين ليش انا اقولج اول شي راح يكون جالس وراكم على الكرسي المخصص له وراح يبكي ويصارخ مثل ما حصلي مع ولدي وكل مكان تروحون له بيركض ويلعب وماراح تستانسون لان تركيزكم منصب عليه وكنت ارتاح لما ينام .
1- بالنسبة لتاجير السيارة سهل جدا جدا بالانترنت عن طريق موقع الاوتويورب ( http://www.autoeurope.com ) وبعد ما تدفعون من الفيزا راح يرسلون لكم الحجز عن طريق اميلكم وما عليكم الا عمل طباعة له واخذه علشان تسلمونه لمكتب التاجير بالمطار وداخل المطار طالعي كلمة ( car rental ) وامشي معاها ليما تلقين مكاتب التاجير ويعطونكم سيارتكم ونصيحة اطلبوا ديزل وليس بنزين لانه يطول حتى يخلص واذا بغتوا وكرسي للبيبي اذا بتاخذونه معاكم .
2- عند العودة لتسليم السيارة فهو اسهل فاول شي قبل لا تسلمون السيارة تقومون بتعبئتها فول (full ) لانكم استلمتوها فل وثاني شي اول ما توصولن المطار طالعوا اللوحات امامكم راح تلقون كلمة ( car retal return ) امشوا وراها وراح توصلكم لغاية موقف سيارات التاجير وبتلقون موظفي التاجير يستقبلوكم ويعطونكم ورقة وترورحون لمكتب التاجير داخل المطار وبس.
3- بالنسبة للقارمن او (النافيجيشن) فهو سهل جدا جدا جدا وانا حاضر وبالخدمة للمساعدة عن اي شي افيدكم فيه سواء المواقع واكيفية عمل الجهاز بس نصيحة اشتروا جهازين وليس واحد لان الجهاز اللي شريته من الكويت طفا فجاة وتبهذلت اخر بهذله وقعدت ليلة اضافية لليوم الثاني علشان اشتري جاهز ثاني يومها كان اجازة فتخيلوا انكم برحلة للغابات او مكان بعيد واخترب الجهاز فما العمل الا الجهاز الثاني موجود.
وانشالله اكون قد افدتكم ببعض الملاحظات مع العلم انها اول رحلة لي لاوروبا ولدي معلومات كثيرة انشالله اضيفها

والله يااهل الكويت كفيتوا ووفيتوا ومشكورين بالنيابه عن الاخت

ممكن سؤال
كل واحد حاط موقع لتاجير السيارات ممكن تعلمونه منو افضل