وعليكم السلام
والله يااخوي حسب ماسمعت الخطوط التركية لها مواقف بايخة في مواعيد الاقلاع
فكثير مايحصل تأخير فيرحلة الاقلاع وانا جربتها مره تأخرت ساعة أو تزيد قليلا
لذلك ان استطعت تأخير رحلتك الداخلية قليلا فهو أضمن لك
وحتى لو ما تأخرت ساعة مابين وصولك واقلاعك راح يكون عليك ضغط رهيب وانت عند رجال الجوازات
بالتوفيق

وعليكم السلام
انا رحلتي بعد اسبوعين ونفس حجزك من الرياض الى اسطنبول الوصول 5,55 صباحاً وبعد ساعه مباشره اقلاع الى طربزون الساعه 7.05
طبعاً قلت للمكتب ما الحق على الرحله بيكون انتظار للعفش وطوابير الجوازات قال لي العفش بيطلع على طول طربزون ولو كان ما يمديك كان النظام ما يقبل يكون الحجز برقم واحد
انا مثلك شايل هم هالرحله تفوتنا وبعدين نبلش بتعديل ومطامر بهالمطار

اخوي ابراهيم
انا المشكلة حجزين مو حجز واحد
هل لهم مكتب في الرياض اروح لهم؟

والله يخوي المشكلة ان الموضوع مغامرة مرة لاني مافي رحلة الا الساعه 7:05 والساعه 12 الظهر وصعبة اخلي الاطفال ينتظرون كل هذا الوقت في المطار
وش الحل برايكم

الأخ / بانميرا الخطوط التركية لهم مكتب في الرياض على شارع العروبة وانت متجه غرب قبل إشارة العليا تقريباً 300 م على اليسار
وأنا مثلكم بس خليت رحلة طرابزون بعد وصولي اسطنبول بيومين عشان أريح بالي

بانميرا
والله الصعبه انك تجيبهم من بيتهم وبالاخير تطير عليكم الطياره
اعتذر اني عورت قلبك .. بس كانك تقدر تاخرها ست ساعات تتعبون شوي اهون من تتوهقون
وانت ابخص عاد

ابو الاشبال ممكن وصف ادق

والله ياخوي ما ادري وش الحل
لكن موظف الطيران اللي حجزلي ياكد لي ان فيه وقت للرحله
بس انت اكد على موظف الطيران بالمطار ان العفش يطلع لطربزون
والمشكله لو بتاخر الحجز للساعه 12 الظهر اكيد بيكون فيه ضريبه وبتدفع مبلغ وقدره
لاني حاولت اغير خط سير الرجعه من طربزون الى اسطنبول بعده الى طربزون بورصه
قالي موظف المكتب تدفع غرامه عن كل تذكره 250 ريال
ويالنسبه لسؤالك عن مكتب الخطوط التركيه ما اعرفه لاني من خارج الرياض