شكلي نويت استأجر سيارة هناك
بعد ما قريت مواضيع الاخوة عن القيادة في اوروبا وانها سهله
بس نصيحتكم؟؟

مرحبا
طالما السفره انت و زوجتك بس فلا تضيع فرصة التنقل بالقطار تجربه روعه تشوف فيها كل شيء
بس احس ان الرحله بتكون فيها مشقه شوي
اذا كنت بتجلس مثلا 10 في النمسا موزعه بين مدنها فلازم تعطي كل مدينه حقها
فينا مو اقل من 3 ايام
سالسبورغ نفس الشيء
اما زلامسي الرومانسيه مو اقل من 4 ايام تتنقل فيها بين القرى المجاوره شلالات كريمل والزحليقه الصيفيه وتصعد التلفريك واو لجبل الكابرون روعه
بعدين تروح لميونخ وتكمل المسيره
بس يبدو لي المسافه بين انترلاكن وجنيف بعيده شوي لانها في الوسط وجنيف اقصى الغرب
موفق

أخوي سكوربيون .. كيف حالك ..
البرنامج اللي أنت سويته نفس اللي أنا رحلته العام المضي لشهر العسل ..
وكان البرنامج
أهنيك على الأختبار ..
انا كان برنامجي .. كالأتي :
فيينا 5 أيام
وبالقطار على سالزبورغ 3 أيام
وبالقطار لعى زيلامسي الحبيبة 4 أيام
وبسياره خاصه على ميونخ بس ما جلست فيها على طول على المطار
ومن المطار الى زيورخ أجرت سياره ورحت على أنترلاكن جلست فيها 3 ايام ..
وبالسياره الى جنيف 3 أيام ...
ومن جنيف لأرض الوطن ..
يمكن بتقول ان من زيلامسي لاى ميونخ والى زيورخ والى أنترلاكن مره وحده متعبه ..
لكن الصدق ما حسيت فيها .. ياخي التنقل هناك غير والمطارات غير والجو غيير ..
توكل على الله بس نصيحه لوجه الله ..
اذا بتروح جنيف بعد الكرنفال لا تروح ما فيها اي شي ..
لأن جنيف حلاتها بالكرنفال وبعد الكرنفال تصير هدوء وطفش غير طبيعي ..
وبالنسبه للفنادق أنص من وجهه نظري
فيينا : قراند هوتيل
سالزبورغ : شيراتون أو زاخير
زيلامسي : سي هوتيل أو لاتيني
ميونخ : ميريديان ((من خلال أطلاعي بالمنتدى))
أنترلاكن : موتروبول
جنيف : الكمبانيسكي ((النوقا هلتون سابقا)) بس عيبه غالي .. لكنه عجييب ..
والله يوفقك .. أي أستفسار تفضل ..
أخوك أنس ..

شكرا على تجاوبكم واقتراحاتكم
انس
أجل نفس التخطيط؟!
طيب كم المسافة من زيورخ ل أنترلاكن بالكيلو أو الوقت؟؟
انا بصراحة نفسي استأجر سيارة هناك وأتمشى على كيفي. وش رايك؟؟
( لأن عندي روح المغامرة انا والمدام وتحسفت انني ما استأجرت سيارة لما كنت ب لنكاوي ب ماليزيا مع ان دركسونهم يمين يعني عكسنا وشفت السعوديين هناك معهم سيارات)
وبارك الله فيكما

سكوربيون
اخي الفاضل
اتمنى لك سفره موفقه ... بالنسبه لقيادة السياره باوربا لا استطيع ان اصفها لك بما تحتويه من متعه ...استاجر لك سياره ودوس ولا تخاف من شيء والاهم التقييد بتعليمات المرور هناك ما عندهم مزح وثانيا لا تنسي ان تستخرج الرخصه الدوليه ...وبالنسبه للمسافات فكل ما تطول المسافه تستمتع اكثر
لاني مجربها وكانت رحله ولا اروع 3 اسابيع وانا احوس بالسياره ما بقيت جبل ولا طعس اي صح ما عندهم طعووس ما خليت مكان
توكل على الله ودربك خضر

مشكور اخوي فريندز
بس وش رايك احجز فنادق من هنا؟؟
والا اروح واحصل هناك؟؟ واخلي الرحلة على عماها
يعني المكان اللي يعجبني امدد فيه واللي ما يعجبني اخليه
وتسلم على الرد