تخيل كنت الان في دبي مول ومن كبره ماشفت النافوره ههه شكرا على التنبيه
بصراحه المول رائع في منطقه البستان في المول عجبتني المطاعم والمقاهي في الهواء الطلق
المركز يستحق الزياره واشوفه احلى من الامارات مول

اخ اوركيد
فرايديز في مول دبي او سوق البحار

اهلا وسهلا
فرايديز في دبي مول الدور الثالث على واجهة النافوره
والعبدالوهاب اللي قلت لكم تراه شين ولا اسمع احد يروح له في سوق البحار
لكن والله جلسة فرايديز على النافوره شي خطير
وسلامتكم

والله يا جماعة نفس الموقف اللي صار لي كاتبنا العزيز صار لي وسأروي بالضبط ما حصل لي :
أتيت الى المول حسب توصيات الكثير من الاعضاء , وبعد التعب الشديد قلت وش رأيك نتعشا ونشاهد النافورة بنفس الوقت , وبناء على توصية من أحد الزملاء نصحني بمطعم عبدالوهاب .
وأجيك مدرعم على المطعم بصراحة المول كان زحمة لانه يوم العيد
وأطلب من الجرسون طاولة لست أشخاص بشرط تكون مطلة , ويرد على الجرسون بنفس خايسه وتعبانه المطعم مليان , قلته لا وأبشرك أبي طاولة مطلة والقى واحدة فاضية بر على المطل قال لي هذة محجوزه للناس , قلت ما راح أطول قال أسف ما فيه الا داخل المطعم وانتظر أشوف الحجوزات , وأتلفت واشوف نص الطاولة بالداخل فاضية وبصراحة برا المطعم شبه مليان , وافكر وأرجع لافكار أيام الثانوية والاستهبال
تدرون وش سويت أقولكم بعد شوي ........... "مسوي تشويق على باله"

ان شاء الله ما راح يفوتنا
وبنروح لفرايديز
شكرا

يعطيك العافيه
نعم حتى أنا كان لي تجربه في مطعم فرايديز و بالفعل كانت تجربه رائعه

فعلا المول رائع بحق
بعد مادخلته صارت مجمعاتنا بالسعودية ماتعجبني بالمرة
والنافورة خيالية بصراحة
لما رحنا له قعدنا 7 ساعات وماحسينا بالوقت
حتى زوجي اللي مايحب المجمعات انبسط مرة
تسلمين

شكرا للكل
والحقيقه الواحد في هالمنتدي يفيد ويستفيد
ويقصر الطريق على الكل
يوم طلعت من المول مع ابونا رحنا للعبدالوهاب عشان نحجز وكانت الساعه خمس العصر يعني وينّا وين العشاء
ومسوين فيها ناس راقين ونبي نحجز عشان نجي علطول للمطعم
لكن المخيس ويكرمون اللي يقرون قال ما فييّ احجز لكم قلنا ليه قال شخصين ما نحجز لهم طاوله مطله على النافوره
لكن يمكن تجون وتلاقون طاوله فاضيه في الوقت اللي تبون
عاد حنا شاوفنا ورحنا له الساعه 8 ومع الاسف كان الاستقبال سيء جدا وقال اصلا اثنين ما لهم طاوله مطله
قلنا والله لو انكم تبون تعشونا ببلاش
لكن الحمدلله كان مطعم فرايديز اختيار اكثر من رائع وخصوصا الجو والنافوره
لذلك لا يفوتكم المول اولا والمطعم ثانيا

فعلا دبي مول شي خيالي ، بس متعب ، يعني الي يبي يتسوق بيتعب فيه لانه كبير و خاصة اذا صار معك اكياس كثيرة .. انا افضل التسوق في مول الامارات ، او برجمان ،، نفس المحلات تقريبا .. دبي مول حلو تمشي فيه و تجلس تريح شوي في قهوة ولا اي مكان ، و تكمل ، و تدخل سينما ، و تجلس عند النافورة ، بس التسوق فيه هلاك .
ومنطقة النافورة من اجمل الاماكن للعشاء او الغداء ،، مع الجو الرائع الي في دبي هذه الايام ، بصراحة سفرة تهبل و احلى عيد في حياتي قضيته في دبي هالسنة ..
و بالنسبة للموظف الي في مطعم العبدالوهاب ، انا لو منكم والله ما اسكتله ، ما تعودنا على هذا المستوى من الخدمة في دبي ، ليش ما اشتكيتوا عليه ، حتى لو نظام المطعم ما يسمح انهم يحجزون طاولة مطلة لشخصين ، ما اختلفنا ، بس باسلوب ، شدعوة ينافخ بعد ؟؟!!