شكلك بتحوس واجد
لكن طالما ان مدة اقامتك 21 يوم شرايك اعطيك برنامج يوفر عليك ويكون مرتب ؟
اول ما توصل اسطنبول خذ سياره وتوكل على الله لسبنجه واجلس فيها يومين
يوم راحه بعد الوصول من المطار ويوم تمشيه وونس
ثم اطلع بارك الله فيك مباشرة الى بولو ابانت ومثلها بعد خذ لك يوم او يومين
ثم اطلع الى سمسون وامس فيها وتمش على البحر واليوم الثاني ادعس الى ( اوردو ) على البحر وخذ فيها بعد يوم - فنادقها حلوه وعندهم تلفريك
والمنطقة توسع الصدر
ثم اطلع بارك الله فيك من اوردو مباشره الى طرابزون وخذ في فندق نوفتيل 5 ليالي وخله منطلق رحلاتك مره اوزنجول ومره اسواق ومطاعم وبحر ومره ايدر
وغيرها من المناطق والينابيع الخاصة بالمياه الحارة .
ثم عاد اذا خلصت عود مع دربك امش من طرابزون بدري الصبح وخل مبيتك في الطريق حول ابانت واذا تعديت مفرق بولو امش على حجاجك اليسار ولا توقف الا في يلوا ( :
وامس فيها وتمش ثم اليوم الثاني بورصه واجلس فيها ليلتين تفرج على الديره وتمش ولا تنسى جبل اولدغ والمهرجانات
الثلجيه وعقبها تكون مرتب وضعك وحجز تذاكر انطاليا وتكون طبعاً حاجز بالعباره على رحلة 10 الصبح لاسطنبول وعود الى مطار اتاتورك مباشره
لا تجلس في اسطنبول خلها اخر شي وسلم السياره
ثم اركب طيارتك على انطاليا مباشره وطبعاً خذ لك من مطارها سياره وتمش في هاك الديار 3 ايام
ثم اخر شي على اسطنبول ( لا تستاجر سياره ) واجلس فيها باقي لك 5 ايام كامله تلف فيها اسطنبول على راحتك
ثم ارجع لاهلك
كانك تبي تلف هالمناطق هذا البرنامج الصح و غيره لا تحوس

الاخ: بن زامل 3
مخططك روعه ليتني سألت قبل اتوهق بهالجدول
المشكلة انه الحجوزات كلها سارت وتاكدت من طيران داخلي لترابزون وفنادق ...
وليت لو تساعدوني بكل مدينة وش يفضل زيارة وافضل طريقة لها
وبظرابزون هل اشوف لي سيارة بسواقها ولا استأجر فيها كمان ؟
وكم تتوقعوا يكلفني تمشية وكذا خلال هذه الفترة وكم احتاج اخذ معي كاش ؟
جزاكم الله كل خير

Malk Ro7i
خيره - ما تدري يمكن خيره لك
بالنسبه للفلوس لا تاخذ معك كاش ( خل معك بطاقتين صراف او ثلاث احتياط مع بطاقة فيزا )
واذا بتشيل معك كاش احتياط خل معك 500 دولار كاش وخلها مع الجواز بس ما راح تحتاج تصرفها هناك
لأن مكاين الصراف هناك تعطيك سعر جيد لصرف الليره - وزي ما قلنا سابقاً اصرف الحد الاعلى 200 ليره مثلاً
لأن العموله وحده على صرف المبلغ الصغير او الكبير .
بالنسبه لكم يكفيك هذا اتحدى اي شخص يقول لك هالمعلوم فقط انت من يقدر كم يكفيك
فمثلاً ممكن تعيش يومياً في اسطنبول بمبلغ 20 ليره وممكن 2000 ليره !
حسب وين بتروح وطريقة المواصلات ( سيارة خاصة بسواق او بدون - تكسي - مترو - باص ...الخ )
وحسب طبيعتك وعادتك في الاكل ( تحب المطاعم الفاخرة او عادي ممكن تاكل اي شي ....الخ )
طبعاً انت ما ذكرت كم عددكم عشان نقدر الصرف لكن بشكل عام الاسرة الصغيره يكفيها كمتوسط يومياً 500 ريال
مصاريف اكل وشرب ومواصلات وتمشي
بالنسبه لسؤالك بطرابزون هل تاخذ سيارة او تاكسي
شخصياً انصحك في هالفترة بالذات انك ما تاخذ سيارة وتستعيض عنها بالتكسي او سيارة مع سائق باليوميه
لسببين :-
صعوبة القيادة في الثلوج لنا نحن اهل الصحراء الغير معتادين عليها وخصوصاً عند الصعود للمرتفعات او النزول منها
السبب الثاني ان معظم المناطق التي كنا نحرص على السيارة لزيارتها وقت الصيف لن تتمكن من زيارتها انت في شهر يناير
( بحيرة السمك - سلطان مراد - حيدر نبي - ...الخ )
قد يكون الطريق متاح الى اوزنجول وايدر لكن اتوقع والله اعلم انه لن يكون مفتوحاً لسلطان مراد منتصف يناير لأن هذا عز موسم الثلوج هناك

بالنسبة للعدد انا وزوجتي الحبيبة شخصين فقط
لو فيه امكانية اغير المدة لطرابزون 5 ايام واجعل لانطاليا 3 ايام هل تكفي ؟
ام ابقى على ماهي طرابزون 4 ايام وانطاليا 4 ايام ؟
لان حاليا ما اقدر اغير سوى في فندق انطاليا والله يعيني على الخطوط التركية لتغيير موعد الرحلة الداخلية لو لزم الامر !!