الاخ فالكون وينق
مصر بشكل عام رخيصه واغلى شي فيها هو السكن في الفنادق خمس نجوم
ودام انت بتسكن شقه فالموضوع اصبح سهل بالنسبه لك
انا سافرت مصر بس ما كان وقت صيف وطبعا الاسعار تختلف بس ما راح تختلف بشكل كبير مره
يعني الشقه راح تحصلها من 200 جنيه الى 400 جنيه ( شقه حلوه ونظيفه وتمشي الحال )
المطاعم رخيصه تقدر تتعشى ب 10 جنيه وتقدر تتعشى ب 200 جنيه بكيفك
الباشا والسرايا كنت اتعشى فيها وما يتعدى الحساب 120 جنيه وهذين المطعمين تعتبر من ارقى الاماكن
وحط في بالك اكثر المطاعم والكفيهات في مصر تستخدم ( المنيمم تشارج ) يعني تجلس على الطاوله ب مثلا 30 جنيه وتطلب واذا زاد مبلغ الطلب عن 30 راح تدفع الفرق واذا طلبت اقل من 30 ما راح يرجعون لك شي
واذا تبي تنبسط في مصر انصحك تكون انسان وسيع صدر ومفرفش لان مصر فرفشه وما يصلح فيها الثقل والرسميه
وخليك على الجلسات اللي على النيل والمطاعم اللي مثل الباشا والكفيهات

شكرا اخى ابو السلاطين .لكن الكلام كثير عن انسب فندق وحى للسكن منةتجربتك ما هو افضل مكان وانسب سعر فندق وشقق ليس ضروريا ان يكون الفندق من خمس نجوم ولك الشكر

اخوي الراي حياك الله
بالنسبه لي انا عندي خصم يصل الى 50% احيانا على معظم فنادق الخمس نجوم في مصر ومع ذلك ما احب الا ماريوت( وحاجز فيه الصيف هذا بعد) لان حديقة ماريوت فيها جلسات حلوه بعد المغرب ... يعني انت حتى لو ساكن في غير ماريوت راح تجيه المغرب
وعندك مثلا هلتون رمسيس يعتبر معقل الكويتيين وماريوت معقل السعوديين وسميراميس تحصل فيه من كل الجنسيات لانه شوي غاالي وموقعه حلو
فندق الفور سيزون رهيب بمعنى الكلمه بس غالي
فنادق اربع نجوم والله ما سكنت فيها وما اعرفها لان انا مثل ما قلت لك اخذ سعر الخمس نجوم ارخص يعني تقريبا يكون بسعر الاربع نجوم او اقل
واذا تبي شقق فانصحك في المهندسين وخاصة شارع سوريا
تراه وناسه وفيه محلات واذكر بعد حصلت فندق عليه الظاهر 4 نجوم بس ناسي اسمه
بس صدقني الوناسه ماهي في السكن هل هو خمس نجوم او اربع نجوم
والشي الثاني التكاسي ماهي غاليه يعني حتى لو سكنت في مكان بعيد داخل القاهره ما راح تواجهك صعوبه في مسئلة التنقلات واغلاها
الوناسه في طلعاتك وطريقة ترتيبها
وتبي تنبسط في سفرتك ,,,, لا تحط هدف معين في راسك في سفرتك لان لو حطيته في راسك وما قدرت عليه راح تحس سفرتك مالها معنا

الاخ العزيز ابو السلاطين
تحيه طيبه اشكرك جزيلا لتكرمك بالمرور والرد على الموضوع
وبصراحه كفيت ووفيت بالمعلومات التي اوردتها
وشكرا على النصيحه
againe thank you very much