Fa6omA_87
13-07-2022 - 06:43 am
السلام عليكم
ان شاء الله هالسنه انا رايحه لتركيا لمده 20 يوم تقريبا من 30-6 لي 22-7 وحابه ازور هالمناطق بس مادري شلون ارتبها
اسطنبول - سبانجا - يلوا - بودرم - انطانيا واذا في مناطق حلوه مانقول لا
بس المشكله التنقل شلون انا عادي اتنقل بالطيران والقطار والسياره بس الباص لا ابي احسن وارتب طريقه
احنا قرووب تقريبا من 10 اشخاص من مختلف الاعمار
والسكن راح يكون تاجير فيلا
واذا في اقتراحات تخلي الرحله احلى ماعليكم الامر ممكن تذكرونها
مشكورين
برأيي افضل ترتيب هو :
عند وصولكم لاسطنبول يكون ( ترانزيت ) ومنها مباشره بالطيران الداخلي الى انطاليا لمدة 5 ايام
وبعدها تطلعون بسياره خاصه او بالباص الى بودروم لمدة 4 ايام
ومن بودروم الى اسطنبول ( بالطيران الداخلي ) والاقامه في اسطنبول 3 ايام
ثم من اسطنبول الى سابنجا بالباص والاقامه 3 ايام
واخيرا العوده الى اسطنبول وتتخلها زياره لمدينة بورصه وكذلك يلوا حسب ماترغبون
وللمعلوميه : انا جربت الانتقال من انطاليا الى بودروم بالباص .. كانت باصاتهم فخمه جدا ومريحه وفيها خدمات وكأنكم بطياره .. هذا غير التوقف بالمحطات..
وانا صراحه احس ان التنقلات بترهقكم خصوصا انو عددكم ماشاء الله كبير واذا كان معكم اطفال .. والحل انكم تلغون احد المدن للتقليل من التنقلات
والرأي الاخير لكم اختي ,,
وبالتوفيق يارب ,,,