نشر في تايلاند

لابتوب

الطيار2323

29-07-2022 - 03:51 am

أخواني
انا رايح تايلند يوم الجمعة ،،، بس محتار هل آخذ معاي لاب توب ،، بس المشكلة تعرفون لازم أحمله معاي
واخاف أنساه في المطار مثلا .
حاب أعرف هل ممكن استأجر لاب توب من مقاهي الانترنت الموجودة في سوكمفيت
هل عندهم ها الخدمة ،،، أطلب الجواب يا أهل الخبرة
ومشكورين

التعليقات (9)

EAST LOVER

29-07-2022 - 07:06 am

اخوى اخذ الاب توب معاك افضل لك لان استئجار الاب توب فية مشاكل وعوار راس يعنى يطلب منك تأمين باهظ ولو مشكلة تحصل فى الاب توب يحملونك اكثر من سعرة فأبعد عن الشر وغنى له .

3mooory

29-07-2022 - 08:07 am

كلام صحيح ......... خذ لابتوبك معك اريح لك ...................
واذا خايف انك تنساه علقه في البنطلون ......... بالتوفيق

الطيار2323

29-07-2022 - 09:08 am

مشكورين اخواني
وان شاء الله نشوفكم في أرض الأحلام

بنت_الفلاسي

29-07-2022 - 10:09 am

خذه وياك ..
مافي شي بيضيع اذا بتحافظ عليه اخويه
شي وايرلس في الفنادق عندهم..

الحـربي

29-07-2022 - 11:10 am

.
.
خذه وياك خوي أبرك لك ... وما بتنساه خله وياك وحط صورة اللابتوب على غلاف جواز السفر ومابتنساه أبدا .

حبيبة بدر

29-07-2022 - 12:11 pm

طيب لو باخذه وأحطه بشنطة الملابس؟؟ فيها شي؟؟

دلوعة بوظبــي

29-07-2022 - 01:12 pm

اخويه الطيآر
ترى انت بتكون معلقه ع جتفك خله طول الوقت ع جتفك
و ماأنصحك تحطه ف شنطة السفر لأنك ماتعرف شو يسوون فالشنط و يمكن ينكسر
مجرد رآي
و السموحه

سـكـاي

29-07-2022 - 02:13 pm

انتبه تخليه في حقيبه تدخل مع العفش لانه بيروح عليك على طول ....
خله معك في كابينة الطائره .

ARABIAN

29-07-2022 - 03:14 pm

أخوي الطيار2323
السؤال هل يلزم ان تاخذة ؟
انت وحدك من يستطيع الاجابة على ذلك.
ان كان استخدمك خفيف فاكتفي بمحلات الانترنت المنتشرة هناك. وفي منطقة العرب(نانا نوا Nana Nua )
هناك كثير بلوحة مفاتيح عربية.
الصيف الماضي سافرت لتايلاند باللابتوب, له مميزات استماع القرآن والاغاني العربية ولكن يا أخي صرت امضى الساعات الطوال في الغرفة .
ريح نفسك واستمتع بالاجازة
الزبدة ان لم تكن ملزوم لا تاخذة.

تايلاند المسافرون العرب

لابتوب