The-Mirage
02-05-2022 - 07:40 am
أخواني الأعزاء
كيف هي إجرائات الجوازات في مطار شيكاغو Chicago ؟
هل هي معقدة مثل نيويورك؟ وهل تعاملهم جيد؟ أو نفوسهم قشرة, علماً أني قادم من لندن على طيران أمريكي, أنا عندي كونيكشن إلى مدينة أخرى و أخاف تفوتني الرحلة إذا استغرقت الأجرائات في مطار شيكاغو وقت طويل
و شكراً لكم
استغرب الخوف من مطارات امريكا وكاننا مجرمين و خايفين احد يمسكنا..
موضوع الجوازت شي روتيني و عادي جدا و ما فيه اي تعقيد و كلها كم سؤال و تمشي اذا اوراقك مضبوطه. وفي الاخير ترجع الى نفسيه الموظف.
بالنسبه لوضعك حلو لانك بتجي على احد طيران الاجنبي و نسبه الي يسون تسجيل دخول خاص قليل. احرص انك تنزل بسرعه و تصف بطابور الجوازت بدري.
اما بنسبه الرحله الداخليه: خطوط الطيران الداخلي الي تكمل رحلتك معهم متفهمين الوضوع انا العام فاتتني الرحله كلمت موظفين الخطوط قالوا لي سان ديقو في رحله بكره و في رحله الى لوس انجلوس اليوم وش رايك؟؟ كلمت صاحبي قلت له تقدر تستقبلني في لوس انجلوس قالي اوكي قلت لهم اوكي اروح الى لوس انجلوس..
اتمنى الوقت بين وصولك الى شيكاجو و الوجهه الاخيره على الاقل 3 او 4 ساعات. لان مرات طابور الجوازات العادي ياخذ وقت لمن تكون اكثر من رحله توصل في وقت واحد.
ان شاء الله تتسهل امورك ولا تخاف مدام انك حجزت وكل شي اتكل على الله .. و على فكره نيويورك السنه هذي اجراءاتي في اقل من ساعه و كان يمزح معي الموظف و يسولف معي .. و لمن دخلت الحدود الامريكيه من كندا الموظفه كانت عسل تقول اسف اخرتكم و كلها 3 دقايق و لمن خلصت الجوازات طلعت بنفسها تدورني و هي تبتسم تقول ها خلصتها لكم.