- بالنسبة للتنظيم .. اقترح الآتي :
السلام عليكم ورحمة الله وبركاته
امسي واصبح على الكل واقول لهم نهاركم وليلكم عسل يا احلا اعضاء في احلا منتدى
الموضوع باين من عنوانه .. واتمنى القى مساندة وتأييد من خبراء النمسا ..
اولا سبب كتابتي للموضوع هو ..
اغلب التقارير اللي قريتها للأعضاء اللي زاروا النمسا وبالتحديد فيننا احس انهم ماعطوها حقها
ووايد اشوف من الأعضاء يركزون على موضوع المطاعم والأكل وتلقاهم يضيعون اليوم كله على مطعم
وبالذات المطاعم الهندية والايرانية والتركية و ...
كأنه هالمطاعم اول مرة نزورها اونذوق اكلها ... صحيح الكل يدور على الحلال لكن الغاية من السفر اهو
تغير جو طبعا.. واننا نشوف اجمل مافي الدولة والسندويتشات تفي بالغرض اهو سد جوع بس ليس اكثر
واضمن لكم انه سندويتشات الجبن حلال بإذن الله بس تأكدوا ان مافيها دهن الخنزير
طبعا كل الناس اذواق لكن على حسب رايي انه
مانضيع يوم على مطعم وقت الغدا ومطعم وقت العشا ... على الاقل خلوا الوجبة الرئيسية تكون عشا
لأنه اغلب المناطق السياحية في اوروبا تغلق بعد الساعة 5 او 6 ..
واللي يقول انه فيننا مافيها شي فليسمحلي اقول له للأسف انت ماشفت فيننا على حقيقتها
او بالاصح ماشفتها صح ... ونفس الشي في بعض التقارير اشوف انهم مو منظمين برحلتهم ..
مثلا يقومون ساعة متأخرة ( مادري ليش مع انه المفروض ينامون مبجر لأنه النمسا بشكل خاص واوروبا بشكل عام شبه ميته بالليل بالذات للعوائل ) فناموا بكير واصحوا بكير وشوفوا فيننا شو بتصير ;) ..
المهم غرضي من الموضوع مو ذم تقارير الاخوان لا حشا بالعكس تقاريرهم جدا جميلة وماشفت منها تقصير لكن ضايق خلقي لأنهم وايد يضيعون وقت على سالفة المطاعم وفيننا فيها اشياء وايد الواحد يقضي يومه فيه ..
بالنسبة للتنظيم .. اقترح الآتي :
1- اول ماتوصلون فيننا تروحون للريسيبشن وتسئلون عن شركة لتنظيم الرحلات السياحية وممكن تتصلون عليهم ويعطونكم العنوان واذا كان عنوانهم قريب تروحون لهم وتشوفون الرحلات اللي ممكن تروحون لها وتختارون رحلاتكم للمدة كلها اللي بتقضونها في فيننا واذا كان المكتب بعيد ممكن يرسلون لكم برنامج رحلاتهم بالايميل او بالفاكس ..
2- ممكن تاخذون اسامي مطاعم اللي تفضلونها وتنظمون ايامكم مثلا اليوم لفلاني رحلتنا خفيفة يعني ترجعون على الظهر فممكن تروحون للمطعو وتتغدون وبعدها تتمشون وتقعدون في المقاهي وتاكلون الايس كريم العجيب ..
3- في ايام ماتكون عندكم رحلات فيها ممكن تتمشون بالسوق او بحدائق قريبة من فندقكم ..
( ونفس الشي بالنسبة لسالزبورغ وزلامسي )
ملاحظة :افضل عدم استئجار سيارة في فيننا لأنه الرحلات راح تروحون لها عن طريق الشركة والاماكن القريبة حلو التمشي لها ..
وبالنسبة للي عندهم اطفال .. ممكن ياخذون من السوبر ماركت توست وجبن او كرواسان وطبعا بطاط(شيبس) وكاكاو لزوم الرحلة .. ويسون لهم ساندويتشات ياكلونها بالباص ..
م مادري هذا رايي وكل واحد له رايه .. واذا في حد عنده راي افضل اتمنى انه يشاركنه فيه ..
وحياكم الله ..
أختكم
ام عزيزان
sullmish
و الرحله الهدف منها التفريه طبعا مو المطاعم بس
الواحد ما يصبر عن بطنه...لول