تاكسي تحت الطلب
17-10-2022 - 06:17 am
السلام عليكم اخواني:
بعد شهور من الإلحاح من قبل ولد عمي قررت الذهاب الى الرياض لمقابلته .. ولد عمي ساكن بحي العقيق اللي هو في شمال الرياض كما أظن ! وبحكم انه متزوج وشقة صغيرة جدا راح اكون ساكن في فندق وهو يقول انه في فندق قريب من شقته اسم الفندق رومانس
الآن، انا ان شاءالله ماشي بالسيارة من الخبر لحي العقيق وبالتحديد فندق رومانس ... الله لايهينكم ابي وصف بالتفصيل عشان اوصل للفندق .. ولو كان الوصف من الخبر يكون افضل
شاكر للجميع تعاونهم ...
وأبشرك حي العقيق من أسهل الأحياء بالنسبة للشرقية ,, بعد ما تدخل الرياض وتحس أنك في زحمة عاصمة الضباب ( الغبار ) الله يخليها لنا ,, تكون في الدائري الشمالي وتجيك المخارج 7 6 5 تجيك لوحة القصيم ..المدينة أطلع معها يمين مع العالم اللي تشوفها تترك الدائري ، ولكن انتبه وخذ المسار الأيمن فقط الله يستر عليك لأن فيه ناس تشاركك في المخرج وتخالفك في الاتجاه لأنهم يبغون وسط الرياض .. وبتشوف بيضة الديك ( عمارة المملكة ) خلفك تماما .. تمشي شوي وتطلع الكوبري طبعا وأنت متجه للقصيم شمال .. يجيك الحي والفندق على يسارك ... تأخذ يوتيرن .. وزيارة سعيده وحياك الله