هلا اخوي --- يقدر ياخد تكسي من تطوان الى طنجه ومن محطة سيدي اليمني يقدر يحجز تدكره على القطار الى المطار والمسافه من تطوان الى كازا 390كيلو متر

شكرا لك اخوي عادل24 يعني تطوان مافيها محطة قطار مباشر لكازا ؟.... وثاني شي المسافة من تطوان لطنجة كم؟... ثالث شي هل القطار من طنجة لكازا يقف في اكثر من محطة او مباشر من طنجة لكازا؟؟؟ اقصد كم المدة اللتي يستغرقها القطار للوصول للمطار بغض النظر عن المسافة؟.... واللي اهم شي اخوي adel24 انه يبغي يطلع من تتطوان لكازا مباشرة فهل يستطيع ذلك بالقطار متلا او بالباص؟؟؟

ياجماعة الل يخليكم واد يفيدني الله يخليكم

ياخذ تكسي او باص من تطوان الي طنجة ...
من طنجه عنده خياران : الاول : القطار الي كازا
الثاني : يركب الباص السيتيام
بخصوص القطار من طنجة الي كازا عليه ان يسئل الموظفين في المحطه اذا اللي بيركبه مباشر ولا بيغير في سيدي قاسم ...هذي امور ترا سهله ان شاء الله
المسافه من تطوان الي طنجه حوالي 50 كيلو ساعه بالتكسي .

بروني صباح الخير
بالنسبة لتطوان لازم مثل ماقالوا الاخوة ينزل على طنجة أول شي والمسافة بالضبط 70 كيلو مثل ماقالك زخ المطر ساعة بالتاكسي وحول ساعة وربع الى ساعة ونص بالباص، والطريق زين أول الباص يخوف بس الحين الطريق يطمن
ومن طنجة عنده كذا خيار
أولهم وأفضلهم الطيارة بس لايقص وان وي خله يقص رايح جاي بتسعمية درهم ويرمي تذكرة العودة عادي
بس إذا أخذ وان وي بيحسبونها بالف وستمية، معاك غريبة بس هم جالسين يشجعون السياحة الداخلية وطبعا مافي سايح يروح ومايرجع عشان كذه رايح جاي بنص قيمة الوان وي والرحلة بالطيارة تستغرق ساعة الا ربع وفبعض الحالات 35 دقيقة
الطريقة الثانية القطار بس مافي قطار يروح دايركت للمطار لازم يوقف بكذا محطة وبكازا يغير القطار يركب قطار ثاني للمطار
الطريقة الثالثة الباص في باصات مخيسة وركوبها انتحار بس الساتيام نظيف وسعره معقول بس الرحلة من طنجة للمطار تاخذلها ابو ست ساعات ونص وصراحة متعبة
بس بالمناسبة إذا خويك مغربي ماظنيت انه يجهل هالامور، وحتى لو يجهلها ماراح يضيع لو سأل المغاربة متكاتفين مع بعض ويساعدون بعض
أما إذا كان سعودي فأفضل طريقة يرجع للمطار بنفس الطريقة للي راح فيها لتطوان لأني ماظنيت في رحلات من الرياض او جدة لتطوان دايركت
تقبل مروري

شكرا جزيلا لك اخي زخة مطر

شكرا جزيل الشكر لك اخي( يسلم راسك ) وتراك حسبتها صح من كل النواحي والله وشكرا مرة اخرى

الاخوان ما قصرو وفعلا احسن شي يجي طنجه ينام فيها بالله ويصحى بدرى عشان يلحق القطار او الستيام ويشوف اي واحد فيهم يطلع بدري لان 5 ساعات الى كازا وحوالي الساعه من كازا للمطار لازم يكون حاسبها صح عشان ما تروح عليه الطياره وكلها تجيه ب 200 درهم او 250 درهم واذا بغى تاكسي ياخذه دايركت للمطار بيكلفه من 1500 الى 2000 درهم

فدوى الحب
طيب اختي فدوى الحب مش ممكن يركب الباص الستيام من تطوان مباشرة الى كازا وتاني شي الستيام ياخذ 5 ساعات؟ تالت شي وي يقف الباص الستيام في كازا متلا قريب من محطة القطار؟