السفر عموما متعة ، و إلى إيران أكثر من متعة.
اللي أعرفه إن السفر إلى إيران بالعبارة (السفينة) موجود من البحرين إلى بوشهر (سابقاً) ... و حالياً مستمر من الكويت إلى ميناء عبادان ...
على كل حال الإمارات من أحسن دول الخليج في العلاقات الدولية ، حتى السفر للعراق ممكن عن طريق الإمارات ، و الله أعلم على كل حال.

اختي الفاضله يوجد مكتب في دبي وفي ديره بالتحديد // هذا المكتب اسمه طيران اسمان // كانت قيمة التذكره ب 500 درهم والان اعتقد ب 700 درهم // والطائره تقلع من مطار دبي الى طهران على ما اعتقد // المكتب موجود في بناية المواقف اللي جنب السوق القديم مطله على مرسى السفن

مرحبا اختي
طبعا انش تسافرين حق ايران موضوع سهل عادي مثل ما تسافرين حق اي دولة ثانية
بالسفينة اني كنت سامعة عنهم بس ما افضل لأني ما اتوقع انه السفينة راح تكون بالمستوى المطلوب
ممكن اي شركة طيران حتى طيران الامارات عندهم رحلات حق طهران و ممكن اسمان مثل ما قال الاخ نبيل العوضي
بس الافضل طبعا طيران الامارات مادري ما احب الطيران الايراني عشان طياراتهم لش عليها شوي
بعد ما تحجزين و كل شي ان شاء الله لازم تروحين تطلعين فيزا من السفارة و شغلتها سهلة و ما تاخذ وقت
و من المناطق الي انصح تزورينها من خبرتي
كلاردشت منطقة سياحية جميلة من اكثر المناطق الي احبها هناك و احنا كنا رحناها 3 مرات آخرها للعام و دائما كان ينزل علينا مطر رذاذ شي جميل
اصفهان هم بعد رائعة و يسمونها عندهم نصف جهان اي انها تساوي نص هالعالم هم بعد حلوة و بتستانسوون فيها
طهران العاصمة فيها مناطق حلوة بس من زمان ما رحناها عشانها زحمة و الوالد ما يحب الزحمة
تبريز عندهم مثل تكملة مثل اصفهان انه اقر تبريز نباشد يعني مثل تبريز مافي بس مادري ليش ما عجبتني واجد و هي مشهوورة بالزل السجاد التبريزي خوش شي
اردبيل و منها الى سريعين منطقتين حلوين ما شاء الله و براد احنا كنا رايحينهم في شهر سبعة و اضطرينا نشتري ثياب شتوية من هناك عشان البرد
جني طولت عليش شوي و اي استفسار ثاني اني في الخدمة