- وافق موظف الرسيبشن ينقلنا
السلام عليكم ورحمة الله وبركاته
قصتنا مع فندق بيوتك ستار Butik Star Hotel وهذا رابط الفندق من بوكينج
https://www.booking.com/hotel/tr/butique-star.html?aid=1300939 في قلب تقسيم
أنا حجزت من موقع بوكينج لمدة 4 ليالي غرفتين وعجبني الموقع والسعر
وعند الوصول ماكان الفندق مجهز الغرف زي ما طلبنا في الموقع ماكانت الغرف في طابق واحد وكنا طالبين تفريغ الغرف من الميني بار والفندق مو مهتم قلنا مو مشكله يلا تمشي لاننا كنا تعبانين ونبغى ننام
بس صراحه كان نظيف جدا جدا ومرتب بس الخدمه سيئه جدا
وعند الدفع دفعنا كامل المبلغ مقدما عن طريق الفيزا كارد
وفي غرفه من الغرف المكيف تبعها خربان ورفضو ينقلونا لغرفه تانيه بحجة انو مافي غرف شاغره وبعد محاوله وتعب حتى
وافق موظف الرسيبشن ينقلنا
وفي الصباح طلبنا تكون الغرف في طابق واحد كان الموظف يرد علينا باستهتار وبدون مبالاه وصارت مشاده كلاميه بينه وبين أخي وكان حيتعدى على أخي بالضرب الا هدينا الوضع وقال خلاص اعملو تشك أوت واخرجو يعني طرده بالعربي
طلبنا مدير الفندق ماكان في مدير
وقلنا طيب باقي المبلغ
وقال لنا موظف الاستقبال بما اننا دفعنا عن طريق الفيزا الفندق حيحولنا باقي المبلغ للفيزا
دورنا في الفنادق المجاوره كانت كلها فل المهم حجزنا في نفس اليوم ورجعنا ع السعوديه
وللان باقي المبلغ ما تحول للفيزا وباقي المبلغ في حدود 2800 ريال
ومعانا ورقه موقع عليها الموظف اننا باقي لنا مبلغ تلاته ليالي
وانو ما أقمنا غير ليله وحده
وبرضو ورقة السحب من الفيزا
سؤالي : كيف نطالب الفندق باسترجاع باقي المبلغ يعني القنصليه السعوديه في اسطنبول لو ارسلنالها الأوراق بالفاكس ممكن تعمل شي ولا لا
الموظف الا أهاننا وطردنا كيف التصرف معاه علما انو عندنا اسمو الكامل
استهتر فينا لاننا سعوديين وحسيت كدا من أغلب الستاف الا في الفندق بينما كان في نزلاء اوروبيين كان يعاملهم معامله ممتازه
بما اني حجزت عن طريف بوكينج أبغى أكتب رأي عن الفندق يعني يوصلني ايميل من بوكينج عشان أقيمه ولا لا لانو بصراحه معامله زفت ومقهوره منهم وما يستاهل هدا الفندق يكون في موقع بوكينج أبدا
بسببه ما كملنا مدتنا في تركيا وقدمنا الرحله
والله يعوضكم بسفره أفضل منها بدون نصب واستغلال..