السلام عليكم ورحمة الله وبركاته ::
من زيلاميسي الى جنيف ..ممكن تطلع على موقع القطارات السويسرية :
http://www.sbb.ch
الرحلة تسعة ساعات بالقطار.
لكن غريبة رايح من زيلاميسي الى جنيف دايركت من دون ما تمر على اهم المدن السويسرية في الطريق .
لا يوجد ميترو في جنيف ..بل باصات وترام وقطارات فقط .
واذا كنت ناوي تزور الريف الفرنسي ..لابد من توفر سيارة .
والا راح تتعب بالتنقل .
وبالتوفيق

يعطيك العافية اخوي ميدو .. بس ياليت تساعدني شوي
حنا عائلة حاجزين تذاكر الذهاب من الرياض قطر فينا على القطرية في تاريخ 13/6
والعودة من جنيف الى الدوحة الى الرياض في تاريخ 24/6
وقسمت الأيام .. 4 فيينا .. 2 سالزبورغ .. 5 زيلامسي .. 3 جنيف
ابي رايك في التقسيم وخط السير .. وحنا عائلة من 5 بالغين وطفلين
وش تنصحني فيه ؟ هل فيه مدن امرها قبل جنيف واخفض الأيام قبلها ؟ والا وش أسوي ؟؟؟؟؟
بإنتظاركم

والله ياخوي انتا مرة ما سمعت بانترلكن ..لوزيرن ..الخ ..
؟؟
يعني توصل سويسرا وما تزورهم ..هذه صعبة شويتين .
طيب وش رايك بالمخطط التالي ما دامك لسه ما اكدت المخطط :
فيينا ثلاثة ايام - سالزبورغ يومين - زيلاميسي ثلاثة ايام - انترلكن اربعة ايام - جنيف يومين.
وممكن الدمج بين سالزبورغ وزيلاميسي ..وتصير زيلاميسي خمسة ايام ..واي يوم من ايام زيلاميسي تقدر تخليه لزيارة سالزبورغ .
يعني يصير المخطط :
فيينا ثلاثة
زيلاميسي خمسة
انترلكن اربعة
جنيف يومين
استخير الله والله يكتب لك اللي فيه الخير.
وبالتوفيق

اخوي ميدو في البداية شكراً لتجاوبك
بالنسبة لأنترلاكن سمعت فيها اكيد لكن سمعت ان زيلامسي تغني عنها ؟!
عموماً الجدول اللي أعطيتني أعجبني ويمكن بس تعديل بسيط بحيث يكون :
3 أيام فينا .. 4 أيام زيلامسي .. 4 أيام انترلاكن .. يومين جنيف
(لأن الوصول صار يوم 14 والمغادرة يوم 27 .. يعني 13 ليلة فقط)
وأعجبتني كثير فكرة ضم سالزبورغ مع زيلامسي بحيث تقلل الإنتقالات (خاصة لعائلة كبيرة) ويكون لها زيارة يوم كامل لوحدها !!
لكن كيف راح تكون التنقلات داخل المدن ومابينها ؟؟
يعني انا في فيينا راح استخدم المترو .. بعدين راح أنتقل بالقطار إلى زيلامسي (ما أدري هل يوجد رحلات مابين فينا وزيلامسي أو لا) ؟
طبعاً في زيلامسي راح أستأجر سيارة .. ولكن هل أطلع بالسيارة لأنترلاكن وبعدها لجنيف ؟؟ وكم المسافة والوقت مابين زيلامسي وأنترلاكن .. وأنترلاكن وجنيف ؟؟
أدري اني كثرت عليك لكن تحملنا شوي .. شكراً لك

العفو أخوي..
بالنسبة لأنترلاكن سمعت فيها اكيد لكن سمعت ان زيلامسي تغني عنها ؟!
والله اللي شاف مو زي اللي سمع.
والموضوع بيدك بالنهاية .
لكن كيف راح تكون التنقلات داخل المدن ومابينها ؟؟
يعني انا في فيينا راح استخدم المترو .. بعدين راح أنتقل بالقطار إلى زيلامسي (ما أدري هل يوجد رحلات مابين فينا وزيلامسي أو لا) ؟
طبعاً في زيلامسي راح أستأجر سيارة .. ولكن هل أطلع بالسيارة لأنترلاكن وبعدها لجنيف ؟؟ وكم المسافة والوقت مابين زيلامسي وأنترلاكن .. وأنترلاكن وجنيف ؟؟
أدري اني كثرت عليك لكن تحملنا شوي .. شكراً لك
اقترح عليك تستأجر السيارة وانت طالع من فيينا .
ترى اوفر لك من استخدام القطار اذا كنتم عائلة .
وتتمتع بالطبيعة .
المسافة بين فيينا وزيلاميسي اربع ساعات تقريبا .
بين زيلاميسي وانترلكن ستة ساعات ..وممكن عمل استراحة في بيت هايدي لكسر طول الطريق.
بين انترلكن وجنيف ساعتين ونصف.
انصحك تطلع على :
أسهل طريقة لمعرفة المسافات بين المدن والاحداثيات عن طريقة قوقل https://artravelers.com/p/re/545100

اخوي ميدو بصراحه انا احاول تجنب المسافات الطويلة
طيب وش رايك لو أخذنا السيارة من فيينا وطلعنا بها على زيلامسي وبعدين في اليوم الأخير نسلمها في سالزبورغ ونطلع بالقطار من سالزبورغ الى انترلاكن ..
ومن هناك نستأجر سيارة ثانية نستخدمها في انترلاكن ونسلمها في جنيف .. وش رايك ؟؟
لان معنا أطفال والرحلة بتكون ممله إذا كانت طويلة .. 4 ساعات من فيينا الى زيلامسي و6 ساعات أو أكثر من زيلامسي الى انترلاكن !!
وش رايك ؟ وهل يوجد رحلات (مباشرة) من سالزبورغ الى انترلاكن ؟ وهل تنصح باستخدام السيارة داخل جنيف ؟
ادري كثرت عليك بس تحملني شوي الله لايحرمك الأجر

وش رايك ؟ وهل يوجد رحلات (مباشرة) من سالزبورغ الى انترلاكن ؟ وهل تنصح باستخدام السيارة داخل جنيف ؟
ادري كثرت عليك بس تحملني شوي الله لايحرمك الأجر
والله رأيي قلت لك عليه .
صدقني ما راح تحس بطول الطريق ..اعتبرها تمشية او رود تريب.
وتوجد انشطة حلوة في الطريق ما بينهم ..متحف سواريفيسكي + بيت هايدي + لوزيرن ..الخ .
لكن استئجار سيارتين في نفس الرحلة ..ما افضلها .
بالقطار من سالزبورغ الى انترلكن اقل شي 7 ساعات ونصف .
وجنيف نفسها ما تحتاج سيارة ..لكن حلاة جنيف في زيارة ضواحيها الفرنسية ..ولازم تكون معاك سيارة ..مثلا زيارة مدينة أنسي .
والامر راجع لك اخوي .
وممكن اخواني الاعضاء بيفيدوك اكثر ..ويعطونا رأيهم الكريم .
وبالتوفيق

مرحبا
الصراحه في استعجال في حجز التذاكر . ايامكم قليله والمسافات بعيده
استأجرو سياره باص مرسيدس او فولكس فاجن لعدد 9 اشخاص
ممكن تستأجرونها اخر يوم لكم في فيينا
وتسلمونها في جنيف
الحقيقه مشوار من زيلامسي الى انترلاكن

أشكرك جداً جداً أخوي ميدو لانك فعلاً نورتني عن أشياء كنت ما اعرفها
وبعد المشاورات مع الأهل قررنا أننا نمشي على رايك بحكم خبرتك في النمسا وسويسرا
بإذن الله راح نستأجر سيارة في اخر يوم لنا في فيينا ونسلمها في مطار جنيف قبل المغادرة
يعني بالضبط من تاريخ 17/6 الى 27/6
وان شاء الله نستفيد من خبرتك في الأيام الجاية .. والأعضاء الباقين مايقصرون والله
الله يجزاك عنا كل خير