هلا
احسن وسيلة واسرع واسهل عندك الطيران الاقتصادي......

شاكر ومقدر ردك اختي الزعيمة
طيب ممكن تفيدني اكثر عن الطيران الاقتصادي .. يعني وش افضل المواقع الي ممكن احجز منها وكم سعر التذكرة من ميلان الى اثينا.. والعفش كم قطعه و الوزن المسموح فيه او الي شامل سعر التذكرة وكم يحسبون على الكيلو زيادة.
وش رايك بسفر عن طريق البحر هل هو افضل ولا الطيران واذا تعرفين رحلات بحرية من ايطاليا الى اثينا...
وبما انك زعيمة ايطاليا .. لا تحرميني من خبرتك وملاحظاتك
انا ناوي اجلس 6 ايام في ايطاليا كافيه ولا لا وممكن تسوين جدول سريع على حسب خبرتك وين اروح وش افضل المدن يعني افيديني من خبرتك .. انا ودي ازور روما فينيسيا ميلان
مع العلم انا ممكن امددها يومين زيادة
وودي اعرف عن افضل طريقة لتنقل داخل المدن وبين المدن ... باصات, قطارات, اجار سيارة, ...
اسف جداً على الاطالة

هلا
اخوي الطيران الاقتصادي رائع وسعرة اقتصادي
شف هذا الرابط لشركة ممتازة ومجربة
http://www.easyjet.com/asp/en/book/index.asp?lang=EN
بالنسبة للشروط العفش.....هي فقط شنطة واحدة وماتزيد عن20 كيلو واذا احتجت اكثر من شنطة تحط في ناحية
اختيارات الشنط كم شنطة عندك......
اول شنطة محسوبة.....وبعدين يحسبون كل زيادة شنطة بسعر معين
بخصوص الكروز.......انا ما قد جربته......بس
اخوي الهلالي جربة في هذا الرابط
https://artravelers.com/p/re/143802
اتوقع انه بينفعك ان شاء الله
الجدول المقترح في ايطاليا
جهة الوصول ميلان......ثلاثة ايام
منها زيارة فينيسا وكومو.....ويوم للميلان
ومنها الى فلورنس يوم واحد.....عشان تمر على برج بيزا.....ساعة ونصف بالكثير
وبعدين تطلع على روما.....يومين بالكثير
ومنها تطلع بالكروز على اليونان.......
واي استفسار بخصوص الفنادق......حدد لي اليوم وعدد الاشخاص وميزانيتك عشان احدد لك اسماء الفنادق المقترحة
وبالتوفيق

الله يعطيك العافيه
بنسبة لطيران الاقتصادي .. قلتي يسمحون شنطة وحدة بس طيب اقدر ادخل معي جو الطيارة شنطة لاب توب او شنطة ملابس صغيرة ...
الجدول المقترح في ايطاليا
جهة الوصول ميلان......ثلاثة ايام
منها زيارة فينيسا وكومو.....ويوم للميلان
ومنها الى فلورنس يوم واحد.....عشان تمر على برج بيزا.....ساعة ونصف بالكثير
وبعدين تطلع على روما.....يومين بالكثير
ومنها تطلع بالكروز على اليونان.......
تقصدين اني اخذ فندق في ميلان واطلع يوم للفينيسيا وارجع نفس اليوم ونفس الشي مع كومو و فلورنس.
وش افضل وسائل موصلات بين المدن وداخل المدن ... يعني قطارات واذا قطارات وش افضل تذاكر اشتريها يعني اخذ باليوم ولا بالرحلة واذا فيه مواقع كويسه تعرفينها اكون شاكر ومقدر,
او اخذ باصات ولا اجار سيارة افضل .. يعني وش الافضل من خبرتك
بنسبة للفنادق انا ان شاء الله طالع في منتصف شهر جولاي والميزنيه 100 دولار لليلة شخصين.

هلا
اخي زي ماذكرت الافضل السكن في ميلان والذهاب الى فينيسا والرجوع بنفس اليوم....بالقطار ساعتين ونصف
بالنسبة لفلورنس.....انا ما انصحك انك تروح وترجع بنفس اليوم لانه الطريق متعب,,,,,,
الافضل انك تسكن ليلة في فلورنس ومنها زيارة نصف نهار الى برج بيزا وباقي النهار تقضيه في فلورنس ومن بكرة
الى ميلان
افضل اختيار للتنقلات السيارة ومن بعدها القطار........
الميزانية قليلة للسكن في ايطاليا ,,,,,,,خاصة في شهر 7,,,,,يعني اقل شي 500 ريال بالليلة
وبالتوفيق

انا اسف جداً كثرة عليك الاسئلة
كم اسعار اجار السيارة .. وهل تحتاج رخصة دولية ولا الرخصة السعودية او الامريكية كافيه .. وهل لازم ادفع تأمين على السيارة ولا ما يحتاج وكم سعر التأمين ... وهل يحسبون بالكيلو ولا مفتوح ...
هل فيه رسوم على الخطوط السريعه اذا فيه كم ...
الميزانية قليلة للسكن في ايطاليا ,,,,,,,خاصة في شهر 7,,,,,يعني اقل شي 500 ريال بالليلة
السعر هذا لخمس نجوم؟؟

هلا
اخوي ....طلبات السياقة في اوروبا....جواز السفر....ورخصة دولية
هم عادة تكون الاميال مفتوحة....الرسوم موجوده في الطرق السريعة في ايطاليا.....وتختلف بأختلاف من مكان الى مكان
تأمين السيارة موجود على طول اول ما تستأجر السيارة
بخصوص الفنادق غالية بأوروبا.....السعر اللي ذكرته لك اقل بكثير .....
اسعار فنادق خمس نجوم تبدأ من 1500 ريال لليلة الوحدة