وعليكم السلام
بحيرة السمك : تمشي بمحاذاة بحيرة اوزنقول حتى ينتهي الازفلت وبعدين تمشي على طول مسافة 25 كلم حتى تصل الى بحيرة السمك
وتأكد اخي الكريم من سلامة سيارتك وكفراتها لان الطريق فيه شيء من الوعورة (خاصة للي مو متعود على الطرق الترابية)
أما سلطان مراد وانت نازل من اوزنقول تقريبا بعد 7 كلم تجد كبري يدخل يسار تمشي معاه تقريبا 20 كلم حتى تصل للسلطان مراد تقريبا نصف المسافه غير مسفلت ايضا لكن احسن من طريق بحيرة السمك ..
ملاحظه : وانت نازل من السلطان مراد استعمل الغيار الثقيل حفاظا على سلامة الفرامل
رحلة موفقة ان شاء الله لاسيما وانها مناطق تستحق الزيارة
وتقبل تحيتي

اخي سهم دندون ماشاء الله ما قصر .
لكن الملاحظة الاهم اذا كان الجو فيه غيم او ضباب اجل الرحلة الى وقت تكون الرؤية اوضح لانه لن تستمتع بالطريق وفيه خطورة بالغة .
حفظكم الرحمن من كل مكروه .

جزاكم الله خيرا يا أخ دندون
و يا عمدة أوزنقول
هل المقصود بالمشي مع البحيرة هو المشي مع الاتجاه المعاكس لمصب النهر
يعني باتجاه الصعود وهل يوجد طريق من البحيرة للسلطان مراد
وكم طول هذا الطريق
ولكم الشكر ..،
وإذا أمكن الاحداثيات

اخوي ,,
صراحة الطريق لمرتفعات السلطان مراد يعتبر طويل .. ووعر
واذا تبي رايي .. اذا مو متعود عالطرق الترابيه خذ لك سائق تركي وهو يسوق سيارتك احسن
اولا : لانهم اخبر بطرقهم
ثانيا : عشان يطلعك لاعلى المرتفعات بالسلطان مراد .. اذا كنتوا حابين هالشي ,,
وبالتوفيق لكم ,,

سهم..
بالنسبة لبحيرة السمك .. ايوه يعني كأنك تخلي المسجد والبحيره خلفك وتمشي والنهر على يمينك ( عكس المصب مثل ماذكرت )
اما مرتفعات السلطان مراد فهي تعتبر بالجهه الثانيه مثل ماذكر الاخ دندون ..
واذا التبس عليك الموضوع اطلع على هذا الموضوع .. الله يجزي صاحبه كل خير :
https://artravelers.com/p/re/413408
غبه وصف جميل جدا .. للمكانين اللي انت حاب تطلع لهم ..
وبالتوفيق ,,

شوف ياخي
بالنسبه لبحيرة السمك ,,, طريقها وعر جدا و بصراحه مغامره هالطريق
انصحك ما تروح لها
احنا رحنا لها بشق الانفس و لولا حفظ الله لنا و رعايته ما سلمنا منها
لكن الحمد لله الامور سلكت على خير
الطريق كله صخور و حصى و مرتفعات حادة خاصة بعد ما يخلص الطريق الاسفلتي
يعني احنا كنا نمشي و كل شوي نقول نوصل لما خلاص قلنا وصلنا لهالمرحلة و مافي لا مجال للرجعه ,, يعني عدينا شوط كبير
و راح يصادفك اماكن ماتقدر تمشي فيها سيارتين لازم ترجع للوراء لاقرب نقطه فيها حتى تسمح للسيارة
=========
اما لسلطان مراد فمظم الطريق اسفلتي الا بالمرتفعات لما توصل فوق
تدخله لما تكون من طرابزون بإتجاه اوزنقول و انت بالطريق بتحصل قريه اسمها Çaykara بعدها بشوي امشي باتجاه اوزنقول و بتحصل جسر على يمينك مكتوب عليه 3 لافتات وحدة منهم سلطان مراد Sultan Murat باللون البني
بعدها امشي ف الطريق و اسأل وين ما تتوه
لكن طريقها حلو مره لكن اكثره مرتفعات لكن احسن من طريق بحيرة السمك
و كله اشجار و مزارع و شلالات و انهار
و سلطان مراد بارده لازم تاخذ جاكيت
اهم شي مثل ما قالو الاخوان بعد التوكل على الله انك تجيك ع السيارة زين و البريكات و العجلات

جزاكم الله خيرا على هذه الردود والاجابات الوافية
وخصوصا التقرير عن سفرة صيف 2010
والحمد لله استفدت منها فائدة طيبة
والمعلومة وصلت ..
ولكم الشكر والتقدير ..،

سهم..
حياك الله وبياك
ماشاء الله العمده بكبره داخل الموضوع ...
فعلا الأخوان ما قصروا وانا مع الي يقول بلاش بحيرة السمك ... والسبب طبعا فضلا عن وعورة الطريق وتعبه النفسي
والبدني عليك وعلى المرافقين وبصراحه (( لا يوجد هناك ما يستحق هذا التعب مقارنه بالمناظر الخلابه الأخرى في
المنطقه ))
السلطان مراد
منطقه رائعه وتستحق المشوار وكذلك طريقها ممتع ( صحيح فيه طلعات كثيره ) لكنه أفضل بمراحل من طريق بحيرة السمك
وايضا انصحك بزيارة ايدر وخصوصا طريقها ممتع جدا وهناك جلسات على النهر رائعه ( طبخنا غدانا هناك قبل اسبوع )
تحياتي

بارك الله فيك يا بن زامل
وجزاك الله خيرا
وبإذن الله المرات الجاية بنلف لفة أوسع حول أوزنقول