مافي الا هذا الطريق طريق السيل فقط لاغير

عادي اخوي ممكن تروح لجدة بدون ماتمر على مكة ...........
اول مفرق يجيك بخط السيل اعتقد بعد 60 او 70 كيلو لجدة اطلع معه هذا الخط يسمونة طريق الخواجات (( الغير مسلمين)) هالخط يوصلك الى كوبري تفتتيش الشميسي الي على طريق مكة جدة ومنة تنزل على الخط السريع لجدة بس هالخط مشكلته مشكلة كله شاحنات وفية خطين رايح جاي والخط مقطوع واطول من المسافة الاعتيادية ب 100 كيلو تقريبا واذكر ان مافية اي محطة بنزين وفية بحيرات صرف صحي وانواع الروائح يفضل المشي فية بالنهار وطبعا لان الخط معظم الي فية شاحنات فالخط تعبان والله يعينك.

طير
كلامك سليم اخوي طير ومية لمية
وانا قبل اربع سنوات تقريبا مشيت معاه بالليل وانواع العذاب النفسي
ويمكن لو كنت بالنهار اخف شوي .. لكن الله يعينك شدة وتزول
ان شاء الله
ولك تحياتي

تحمل زحمة منى واستمتع بمناظر الحجاج والأجواء الروحانية واسلك الطريق المؤدي الى جده دون المرور بمكة وهو كالآتي:
اول اشارة تقابلك بعد ما تعدي الملعب عند دخولك مكة (حد الحرم) بعدها كوبري حجز السيارات تعديه الكوبري اللي بعده تاخذ يمين ومن على الكوبري (لوحة مكتوب عليها جده) تطلع الكوبري وعلى طول لاتلف لا يمين ولا شمال تمر من وسط منى ومن على الجسر الى ان توقف عند اشارة على يمينك محطة بنزين (الصوفي) وتظلك ماشي الى اشارة متاجر وطني بعد الاشارة يقابلك كوبري معترض من تحته وتاخذ يسار وتمشي مسافة ما هي طويلة الى ان تقابلك لوحة الى جده ويمين قبل ما تطلع الكوبري الى تقضب الخط السريع المؤدي الى جده وبالسلامة.
آسف على الاطالة هذا لمن لايعرف الطريق الى جده عبر مكة شرفها الله.

الأخطل الأوسط
وصفك للطريق 100% هذا طريق حلو ايام رمضان وزحمة مكة لكن هالايام غير ممكن لسببين:
1- مشعر منى مغلق امام السيارات الصغيرة فالمرو بسيارة صغيرة غير ممكن نهائيا.
2- في حالة انه يكون معك سيارة كبيرة صالون ممكن تسوي هالعملية بس بعد راح يكون زحمة بهالمنطقة .
فيه طريق ثاني بعد للعلم اسمة خط التهريب وهو وانت جاي من الطايف قبل الملعب تطلع من الكوبري وتسوي يوتيرن وتدخل مع اول لفة يمين منطقة اسمها المغمس او الوادي الأخضر ومنها لعرفة ومنها لطريق الهدا مكة ومنها لطريق كدي ومنها لجدة بس بعد هالخط بيكون زحمة لانك بتدخل مكة بتقاطع طريق كدي.

طير على اسمك طير
كفيت ووفيت

يعطيكم العافية
بصراحه ماقصراتوا
فعلا انا طلعت مع طريق منى والوضع سليم يعني انا طلعت الخط قبل مايجون الحجاج منى والحمد الله الطريق زي الحلاوة
بصراحه اشكركم من قلب على ارشاداتكم
واتمنى لكم دوام الصحة والعافية
وكل عام وانتم بالف خير

لي صاحب يقول انه يروح من طريق جده/ الزيمه / الطائف