وعليكم السلام
اذا تبون النصيحه خذو تاكسي اسهل واريح لكم من الرير .. تقريبا 65 يورو مع الزحمه
مسار الرير من المطار الى الفندق : الرير B الازرق , النزول في شاتليه = châtlet
من شاتليه الرير A الاحمر باتجاه اللاديفلانس = la défence ... والنزول في محطة porte maillot ...التكلفه في حدود 10 يورو
لازم تأخذون تاكسي من المحطة الاخيره هذه بورت مايوه الى الفندق اذا كان معكم شنط كثيره ... لانه نوعا ما بعيد شوي ... المشي بيتعبكم

التكسي افضلكم ماتسوى كلها 60 يورو مهيب حسوفه ع انك تريح بالك

شكرا ماقصرتوا ماعندنا الا شنطه كبيره وحده بس وثنتين صغار حقين الطياره ... انا بشوف وبنقرر هناك كيف الوضع
والباص كم سعره وكيف طريقته؟

الباص الخاص بالفرنسيه اتوقع سعره 18 يورو ويوقف قريب فندقكم
ووبالعوده تقدرون ترجعون عن طريقه

شكرا اخوي بس كم رقم الباص ووين القاه
اقصد هل في مكان معين لهذا الباص
ياريت تفهمني

الباص ماله رقم لكن له اسم
Cars Air france
وعليه شعار الخطوط الفرنسية يقف جوار فندق الكونكورد وامام فندق ميريديان
سعره 15 ذهاب فقط 24 ذهاب واياب
ل 4 اشخاص هناك تخفيض 15%
يوجد مكان للعفش
في حدود كل نصف ساعة باص - في المطار له 5 وقفات على عدد الصالات ومن اجل هذا احسبوا حسابكم عشان ما تتأخروا على الرحلة في الرجوع
كيف تجدونه ؟ تبحثون عن لوحة Cars Airfrance داخل الصالة
او في الصالة 1 البوابة 34
في الصالة 2b, 2d البوابة b1
في الصاله 2a, 2 c البوابة 2c
في الصالة 2e, 2 f البوابة 3

الله يعطيك العافيه ماقصرت اخوي
خلاص شكلي بروح بالباص اعتقد افضل من المترو في اول يوم
وبالنسبه للرجوع مراح احتاجه لان بيكون عندي سياره وبطلع من جنيف
شكرا لكم.....