Y.JAHRASH
07-12-2022 - 03:58 am
بسم الله الرحمن الرحيم
اول تقرير لي وحصري لكم
طبعا كلنا سمعنا عن افتتاح صاحب السمو الملكي الامير سطام بن عبدالعزيز لكورنيش الرياض الجديد والواقع في وادي نمار
وشفنا هذيك الصور وكانت كأنها خيالية
اتركونا من عالم الخيال وخلونا نرجع الى الواقع المرير
اليوم الجمعة الساعة ثمان ونص تقريبا صباحا قلت خلني اشوف ذا الكورنيش وكان الجو فانتاستك مافيه شمس شغلت السيارة بسم الله ونزلت الوادي ووصلت بحمد الله الى الكورنيش وكانت المفاجأة
اخذت كم صورة تفرجو عليها واحكمو بأنفسكم
بسم الله نبدأ بالصور الحلوة نسبيا
وبرضو من الزاوية هذي تقريبا مافيه شي يذكر
والحين كل واحد يدق اللطمة او يغطي خشمه بأي شي
حتى المظلات لم تسلم من العبث !!!
وهنا نشوف مجموعة من البط كسر خاطري ولسان حاله يقول ( حنا وش اللي جابنا هنا )
وهنا لا حظو البحيرة مليانه زبايل اكرمكم الله
الان وصلنا الى مسألة المياه اللي في البحيره ومصدرها
فيه ناس يقولون ان مصدرها طبيعي وهي مياه امطار صرفة وجارية على مدار العام.. وهذا الكلام مو خاش مزاجي ابداا وما اتوقع انو بيخش مزاجكم انتم بعد
يعني امطار من وين؟؟!! مو لهالدرجة يستخفون بعقول الناس .. ما لها داعي
كل اللي ساكنين في المنطقة هذيك يعرفون انها مياه مجاري اكرمكم الله بس عملو لها معالجة
صحيح انو ما فيه ريحة مجاري ولكن لون المويه واضح ولا يبي له مختص عشان يفرق ..
احكمو بأنفسكم
اتوقع واضح جدا
وفي النهاية
ما انصح اي احد يروح للمكان هذا الا اذا اتخذت الأمانة اجراءات صارمة ورادعة تجاه الفئة المتخلفة من السعوديين والمقيمين اللي قاعدة تخرب اي منتزة او متنفس في الرياض
وتقبلو تحيتي
Y.JAHRASH
لكن لم يسلم من المخلفات
الله يهدي الجميع ماادري ليش الواحد مو قادر يشيل زبالته قبل لايروح
ويترك المكان نظيف ليستمتع به من بعده
اما بخصوص المياة
فما اتوقع ان فية مصلحة من الكذب اذا كانت مياة مجاري ام لا
عندك بحيرة الحاير معترف فيها انها مياة مجاري معالجة مافيه اي اشكاليه بالموضوع