أرجوا المساعده فأنا على عجلةٍ من أمري

اخي الكريم
افضل برنامج لمحبي الطبيعه ( ممن لا يرغبون اوزنقول ) هي المناطق الريفيه شرق اسطنبول
وهي سبانجه 110 كيلو عن اسطنبول شرق
بحيرة ابانت 360 كيلو شرق اسطنبول
وهذه تستطيع الذهاب لها بالسياره وتكون بالترتيب - يعني ليله في سبانجه او ليلتين
وابانت يبيلها ليلتين او ثلاث
طبعاً المناطق هذي ريفيه وليس فيها فعاليات فقط للاسترخاء
وفيه في ابانت فندق وله بحيره خاصه سكنته قبل شهرين اسمه فنار بخشه ( موجود على بوكينج )
الصراحه برغم انه منعزل ولا حوله مطاعم او بقالات بس بكل امانه المكان رايق وعلى بحيره لوحده
يصلح للرومانسيين امثالي (: مع اني للاسف رايحن له انا وربعي ( عزوبيه )
وبعد قضاء 4 - 5 ايام في هالمناطق تقدر تكمل مدتك في اسطنبول او تكمل الجوله بالسيارة الى يلوفا وبورصة
لتكون العودة بالعبارة من بورصة الى اسطنبول
لك الخيار
تقبل تحياتي

مشكور يالغالي.....طبعاً رحلتنا إن شاءالله بتاريخ 12/09/2014م والعوده 23/09/2014م إذاً وش رايك بالجدول :

إذا يحتاج تعديل إمسك القلم وعدل,,,,؟
السياره متى أستلمها؟؟ ومن وين؟؟
كم المسافه من بحيرة أبانت إلى بورصه؟؟
وبصراحه بصراحه كل ما أدخل أغيير مخططاتي عجزت أصمل على خطه!!!!
يلا من هالحين قبل ما أقص التذاكر أبي أعرف مُخططي بالكامل؟ صلح لي جدول سريع شامل التنقلات.....الله لايهينك

مشغول حبتين
ارجع لك في وقت لاحق بإذن الله عشان اشخبط على الورقه (:

ههه شخبط شخابيط ولخبط لخاابيط ههه
تكفى أولآآآآآه ودي أرتاح من جدولي بالكامل من ناحية السياره من وين أستلمها وكيف أسلمها؟
ومن ناحية ترتيب الأرياف ويوزع الأيام ههه
ملاحظه:
طيارتي توصل اسطنبول الساعه 9:30 صباحاً, هل الفندق يسمح لي أسكن إذا قلنا بكون عنده إن شاءالله على 11 صباحاً؟؟؟؟

دخول الغرف يكون عادة 1 ظهراً او 2 ظهراً والفندق غير مجبور يعطيك الغرفه قبل هذا الموعد لكن لو عنده غرفه شاغره فقد يوافق على دخولك مبكراً للغرفه
لو وصولك بدري ولاتستطيع الانتظار تحجز يوم سابق ليوم وصولك

^مشكور.....شكلي لازم أتواصل معاهم أو أراسلهم إيميل وأسجل ملاحظه بالحجز إن شاءالله~~~~
طيب أنا ناوي أسكن بمشيئة الله في عثمان بيك في فندق جديد وحلوه تعليقاتهم بالبوكينق "Aiza Suites" أول ليلتين وآخر 3 ليالي

• من وين أستلم السياره بيومي الثالث إذا نويت أنطلق ل سبانجه؟؟؟ لأني قررت أسكن في فندق "Lale Hotel" لمدة 3 ليالي وأخصص يوم كامل إلى بحيرة أبانت إن شاءالله_أقدر أروح من سبانجه إلى ايلوا "تيرمال"؟؟كم المسافه؟؟
• بعدها بنزل بورصه ليلتين وش تنصحون بالفندق؟؟
• أقدر أخلص نفسي من السياره في بورصه؟؟

متى يجي ولد زامل يقول بيشخبط بورقتي !!!
آسف تعبتكم معي

مراحب
حبيبنا
انت بتوصل بدري وهذي ميزه حلوه جداً
خذ السياره من المطار ( احجزها من النت الان بيوم وصولك ) واطلع مباشرة سبانجا
المسافة بين سبانجا ومطار صبيحه ساعه فقط ومن اتاتورك ساعه ونصف
توجه مباشرة لسبانجا بدل ما تروح اسطنبول وتنزل عفشك وتشيل ...الخ
خل اسطنبول اخر 4 ايام ’ يعني اول ليلتين سبانجا
فندق لالي صغنطوط ووذف سكنته العام الماضي بس اذا تبي تستمتع فيه خذ الغرف الزوايا
الي فيها جاكوزي حلوه ورايقه وانت في الجاكوزي تشوف البحيره قدامك يعني قمة الرومانسيه ههه
مسئول الفندق اسمه هاقان كان عايش في السعوديه ويتكلم عربي
لو ما معك اطفال كان قلت لك اسكن ريتشموند حلو حلو جداً
بعدين توجه بالسياره الى ابانت وخذ يا الفندق الي قلت لك على البحيره الصغيره ( فنار بخشه )
او خذ فندق بيوك على بحيرة ابانت حلو
وبعدين دق سلف اليوم الخامس وتوجه الى يلوفا اقضي فيها اليوم كله ولا تنسى الترمال
وبات فيها ليله اذا تحب بأي فندق ( للنوم فقط ) ثم توجه اليوم السادس الى بورصة
انصح بفندق هلتون او هامبتون (جوار بعض ) ومنطقتهم حلوه دام معك سياره وبجنبك
المطاعم والاسواق
يبيلك في بورصه 3 ايام اول يوم راحه ويوم لجبل اولدغ والقرية العثمانيه ويوم للاسواق الشعبيه
بعدين خل اسطنبول اخر شي
وطالما انك بتسكن في عثمان بيه معناها خل السياره معك اول يوم عشان تطلع بها الاماكن البعيده
زي فيا لاند او غابات بلغراد وشاطيء كليوس وترابيا وممكن تزرق مول اوف اسطنبول الجديد
وبعدين سلم السياره وخل الثلاث ايام الاخيره بالمترو والباصات
بس
هذا الي عندي
وانت في الاخير الي تقرر