أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
لو سمحتوا عندي استفسار عن هونج كونج كم يوم نقعد فيها وشنو الاماكن اللي نروحها فيها
وطبعا اهم اماكن التسووق
واشلون الاسعار فيها بالنسبه للخليج؟؟
وجزاكم الله ألف خير
هونغ كونغ يبغيلها على الاقل 5 ايام إلى 7 ايام
بالنسبة إلى اماكن التسوق عندك المراكز التجارية و عندك الشوارع ... طبعا المحلات اللى في الشوارع ارخص بكثير ... عندك ( شارع ناثان , عندك Lady Market ) و لاتنسين ديزني لاند و اوشن بارك ...
بالنسبة إلى الاسعار احس إنها نفس الخليج ... في النهاية يعتمد على الصرف ...
لا تنسون تشوفون تقارير الاعضاء بتفيدكم كثيير ....
بالتوفيق...
من 5 الى 7 ايام ... حلوه مره
اذا تهمك الماركات العالمية فانصحك تروحين شارع كانتون canton road
خطير هالشارع كل الماركات العالمية فيه من جوتشي الى لويس فيتون ,,, الخ
مشكورين وماقصرتواا
احنا خاطرنا في سفرة اسبوعين او 20 يووم وين نقدر نروح قريب من هونج كونج
انا بأقولك برنامجي في الصيف الجاي وانتي قرري هو يناسبكم او لا
انا بأطلع من الرياض الى هونج كونج وبقعد 6 ايام ومن هونج كونج الى سنغافوره على خطوط جت ستار ب400 ريال للشخص ومدة الرحله 3 ساعات وشوي وبقعد في سنغافوره 5 ايام ومن سنغافوره الى بينانج على الخطوط الماليزيه ب250 ريال للشخص ومدة الرحله 1 ساعه طبعاً هذا السعر انا محصله عن طريق موقعهم على الانترنت والا المكاتب السياحيه ب700 للشخص وطبعاً السعر هذا يعتبر اقل سعر وسبب رخصه هو ان ميزاته اقل من ابو 700 يعني ماتقدر تغير الحجز ولا تسترجع التذكره (مثل الطيران الاقتصادي في الميزات فقط والا الخطوط فهي الماليزيه) وبقعد في بينانج 3 ايام ومن بينانج الى كوالالامبور على خطوط اير اسيا ب95 ريال للشخص وبقعد فيها 6 ايام ومن كوالالامبور الى الرياض ولاتنسين اني بأمر في الذهاب والعوده على قطر الشقيقه لأن رحلتي على الخطوط القطريه
وسلامتكم
