هلا بك يا المدهر
يختلف من شخص للاخر البعض يحب يكون السكن من فئة خمس نجوم والاخر اقتصادى
ايضا برامجك اليومية اذا كنت من الى يفضلون زيارة الجزر او المنتزهات ؟
لازم توضح اسلوبك فى السفر حتى يقدر يفيدونك الزملاء
انصحك فوكت حدها اربع ايام اما بتايا اشوف الخمس ايام قليلة بحقها لكثرة الاماكن السياحية بها
وبانكوك يبي لك يومين اول ما توصل تريح وتزور معالمها والعودة لبانكوك يوم ما يكفى اذا تبى تسوق وتشرى هدايا لان الى ما يجيب من بانكوك هدايا او يتسوق غلطان
با التوفيق

اخوي مهند العكس مو الصحيح .؟؟؟
أن فوكيت هي الزبده في سياحة تايلند.. وان بتايا تصلح لها 4 أيام بس..؟؟
انا وزملائي ناوين ان شاء الله
1 بانكوك
4 بتايا
6 فوكيت
3 بانكوك.
وش رايكم أنت وحبايبي اعضاء المنتدى .؟؟
.

السلام عليكم اخي المدهر على حسب انت حاجز الفنادق من اهني ولا تبي اتحجز من اهناك بعدين يعتمد انت تبي اتسوي برنامج يعني تفتر بالجزر حدد الاماكن الي تبي تروحلها والفنادق انا قعدت شهرين من اجمل واحلا ايام حياتي فإذا حاب اقدر اعطيك فنادق واماكن ابيه ذكرتني بالذي مضا ولا يهمك حدها ارخيصة

9 أيام ولحالك وبوكت وبتايا .
اقعد على بانكوك وبتايا .
واذا تبي تروح بوكت خلها في بداية الرحلة ثاني يوم من توصل بانكوك .
وبعدين ارجع على بتايا كمل رحلتك فيها الى اخر يوم ومنها الى المطار على طول .
الميزانية حسب صرفيتك .

^
^
^
كلام اخوي عقاب عين الصواب ,,
الصدق بتايا ماتنمل شبابيا وارخص من بوكت ,,
وبانكوك نصيحه هج عنها الا ان كانك من النوع اللي يبغى عربنا ,,
عطيتها انا اربع ليالي والصدق حسافه فيها يومين ,, غير انها اغلى
ومن ناحيتي بوكت ثلاث ليالي حلوه ,, تطلعون لكم كم رحله ,,
زي في اليوم الاول رحلة الدبابات ATV وفي الليل في Fantasea Show
واليوم الثاني لجزيرة جيمس بوند ,, والليل عالبحر
والثالث تشوفون لكم رحله ,, وماهنا اكثر من رحلاتهم في بوكت
وبالنسبه للصرف ,, مافيه احد يقدر يفيديك ,, لان كل واحد وله طريقة في الصرف
وتقدر تتحكم في صرفك لو معك الف ريال تكفيك كل الليالي ,, هي على حسب الشخص
وياكثر كلامي

هلا بك اخوي
على كلام الاخوان انت ما وضحت وش تبي بالضبط لكن انا ابحسبها على نفسي وانت بكيفك
الاسعار تقريبية
0طيران الاتحاد
0عن كل يوم سكن يعني 1800 ريال كل المدة
قل 400 ريال تذكرة بوكيت رايح جاي
مواصلات قل 600 ريال كل الرحلة
مصروف جيب انا اشوف انها من 400 الى 600 ريال زينة عن كل يوم خلنا نقول عن كل المدة 4000 ريال
2200+1800+600+4000=6800
هذي حسبة تقريبية من عندي وخذ معك 2000 ريال عن النكبات
ارجو اني افدتك

اول شيء يعطيكم الف الف عافيه يا شباب بصراحه
ما اقددر اقول غير الله يوفقكم على هذا الشرح والتعاون الحلو منكم
اما بالنسبة لعدم ذكر تفاصيل الرحله انا كنت متعمد عدم التوضيح علشان
اشوف التجاوب على الموضوع
لكن كان الرد منكم حلو زي ما توقعت
انا يا اخواني ودي اسافر هالبلد من زمان والسبب تنوع السياحه فيه بشكل رهيب
كل اللي ابيه
جدول يطرحه كل من ذهب الى بلد الابتسامه الدائمه... كيف كان يقضى الايام هناك
الاماكن الحلوه والفنادق الامانه ... يعني انا ما تفرق معي فنادق 4 نجوم اهم شيء الامان
والصراحه انا عارف ان البلد يحتاج لها اكثر من 20 يوم علشان تروح او يحاول الانسان يغطي
كل الاماكن
هالمره راح احاول زيارة بانكوك يومين اليوم الاول والاخير
وراح ازيد يومين
يعني
2 بانكوك
5 ايام بتايا
4 بوكت
معدل صرفي متوسط في اغلب سفراتي
طبعا انا مخطط 2000 ريال هدايا
و2200 ريال تذاكر على طيران الاتحاد او القطريه
اما باقي المصاريف والله ما عندي فكره
وابي شوركم واللي عنده عناوين فنادق او منتجعات يكتبها للجميع هنا
وهذا وعد مني بتقرير مميز وصور بشكل مختلف والسبب اني احب التصوير بشكل خرافي
والتقرير راح يكون هديه متواضعه مني للكل
مع الشكر والتقدير لكل من رد على وربي يسعدكم
اخوكم المدهر

المدهر
سعر التذاكر من الرياض في شهر 7 ميلادي
الاتحاد /2400 مكلمهم امس
القطرية / 2750 تقريبا (تزيد او تنقص شوي) من موقع الخطوط القطرية
والله يوفقك

انا امس اخذت تذكره على بانكوك على خطوط الاتحاد بسعر 1900 ريال بس