هلا بالغالي ...
طبعا ليس الأهم عدد الشناط ... الأهم لاتتجاوز الوزن المسموح لك
أنت براحتك ( توزع ) الوزن على كيفك ... شنطة شنطتين على كيفك ...
أتمنى تكون الصورة وضحت حبيبي ..

ياهلا أخي الكريم ,, صباح النور ..بالنسبة للخطوط السعودية ,, مسموح لك قطعتين للشخص الواحد .. فأنت لم تتجاوز الحد المسموح به في الوزن وعدد القطع ..
بالنسبة لطيران اسيا ..حسب تجربتي الشخصية لم يدققوا على عدد القطع بل دققوا عالوزن ..
بالتوفيق أخي الكريم ..
أختك .. شموخ

وافي بزمن جافي
عذرا مشرفنا القدير لم أنتبه لردك الكريم ..
الظاهر رديت أثناء اعداد ردي .. جزاك الله خير كفيت ووفيت كعادتك ..

كالعادة ... لاتعليق
العفو أستاذتي القديرة ( شموخ ) ... والقول قولك طبعا ..
تأبى الحروف إلا ( الألتقاء ) ... وفي نفس الوقت ... تحياتي

الوافي وشموخ ما قصروا الله يجزاهم كل خير
فعلا وكما اخبرني به احد موظفين الحجز بان الخطوط السعوديه الى ماليزيا تسمح لك بقطعتين فقط لكل شخص ..
اما اير اسيا الوزن اي عدد من الشنط بشرطين: 1- ما تزيد الشنطه الواحد عن 32 2- ما يزيد مجموع الوزن عن الوزن المحدد الاجمالي
يعني مثلا انتم شخصين وكل شخص حجزتوا له وزن 30 ك
يعني المجموع صار 60 ك
ممكن توزعونها على 10 شنط لو حبيبتم ( المجموع يصير 60 ك او اقل )
او على شنطتين بشرط ما تزيد الشنطه عن 32 ك ( يعني 30 و 30 )
او على 3 شنط ( 30 و 20 و 10 ) او ( 15 و 20 و 25 ) او ... الخ
معلش كبرت الموضوع وهو سهل ,, يمكن عشاني احب الارقام
بالتوفيق

اول شي يعطيكم ألف عآفيه على تجآوبكم ..
لكن حآب افيدكم ان النظام تغير , وهذي الصور من موقع الخطوط السعوديه ,
الي حآب يتآكد بنفسه يدخل موقع الخطوط السعوديه وبعدهآ يختآر من فوق الخدمات الارضيه وبعدهآ يختار خدمات نقل الامتعه
الصوره الاوله تقول ان السفر لجميع دول العآلم على درجة الضيآفه لك احقية حمل حقيبه واحده حجمهآ 32 كيلو , اما امريكا لك احقيه تحمل حقيبتين حجم كل وحده فيهم 23 كيلو

الصوره الثآنيه تبين الرسوم لك دوله يعني انا ذهبت الى مآليزيا رآح ادفع 130 دولار لكل شنطه زآيده

الصوره الثآله عبآره عن مثال لتبسيط المعلومه

هلا بالغالي
والله العظيم هذا النظام مايطبقونه ... ولايفكرون يطبقونه
زميلي في العمل ( الأن في ماليزيا ) ... ومتواصل معاه على الواتس
وسألته بالحرف : كم شنطة معاك ... قال ( أربع شناط ) ... وطبعا هو وزوجته فقط
سألته : محد كلمك أو عارضك ... قال ( لا ) ...
وبصراحة ... أنا أتفق معك أن الموضوع ( يقلق ) طالما هاذي تعليماتهم ...
لكن بأذن الله ( سهالات ) ... وكل أمرك لله ...

هلا حبيبي
الصوره اللي ارفقتها يا غالي .. صحيح تدل على ان عدد الشنط المسموح لك الى ماليزيا هي شنطه واحده بوزن 32 ك على درجة الضيافه
لكن غريبه اذا جيت تحجز او كأنك بتحجز .. يظهر لك ان عدد الشنط المسموح للضيافه هو عدد 2 حقيبه
شوف هالصوره

اضافه
دوبني كلمت موظف الحجز للتأكد ( طبعا انا كلمت واحد قبله وقال قطعتين ) ودقيت مره ثانيه للتأكد
وكان الحوار كالتالي
انا: كم قطعه يسمح لي الى ماليزيا على الضيافه.
هو: على حسب الرحله ، بعضها قطعه وبعضها قطعتين...
انا: كيف اعرف ..
هو: عطي رقم رحلتك عشان اقولك
انا : باقي ما حجزت .
هو : اذا جيت تسوي خطوات الحجز بالنت ،، يوضح عندك هل هي قطعه او قطعتين . فاذا كان مكتوب قطعه واحده فالمطلوب ان تكون وزن الشنطه 32 ك او اقل ،،،، وان كان مكتوب قطعتين فالمطلوب من كل شنطه تكون بوزن 23 ك او اقل
انا: شكرا يا غالي
هو: العفو واحنا تحت امركالشاهد من الكلام
ان الموظف الاول قالي قطعتين ولا جاب سيره قطعه وحده
اما الموظف الثاني قال ممكن قطعتين وممكن قطعه على حسب الرحله