mr.zeco
23-12-2022 - 08:23 am
بسم الله الرحمن الرحيم
اخواني في البدايه احب اصبح امسي عليكم بالخير اوقول لكم جمعه مباركه يارب ....
بكره السفر ان شاء الله تعالى على النمسا ..
وحبيت استفسر عن بعض الامور هناك وهنا بعد
اولا .. ياحبايب انا عندي قارمن لكن الشاحن تبع السياره ضيعته.. جالس اشحن بس من البيت
لكن اقدر ادبر له شاحن منيه ولا منيه ( توليف مثلا ) او في اماكن في جده تبيع الشاحن ... او فيه في محلات الجوالات يبيعون شاحن سياره نهايته تكون مثلUSB القارمن .. ولكم كل الشكر..
ثانيا .. لحظة وصولنا فيينا .. كيف اروح الفندق بالقطار او بالاندر قراوند . يعني اقدر اشتري بطاقة الاندر قراوند او القطار من المطار واستخدمها على طول ...... او اقدر استأجر سياره من المطار
( واللي يعرف لنا مواقف مجانيه في فيينا او نقدر نوقف مجانا بطريقه او بأخرى لا يبخل علينا وله منا الدعاء وخالص الشكر
ثالثا ... انا عندي رخصه قديمه والله يعينني بكره الصباح قبل السفر بروح اجددها واسدد القسايم اللي علي اه يالقسايم تذبح.. السؤال هل استطيع استئجار سياره بالرخصه الجديده من النسما لانها زي ما انتوا عارفين الرخصه الجديده مترجمه ..( قبل 8 اشهر كنت مع واحد من اصحابي في امريكا رخصته جديده . اقصد المترجمه .. استأجرنا سياره بواسطتها وكانت بمثابة ال ID بالنسبة له في كل مكان ...
وارجع واقول... كل الشكر والامتنان للجيمع بدون استثناء والله يعطيكم العافيه يارب...
ودمتم بود ..
جدد الرخصة وطلع رخصة قيادة دولية
انت تقدر تستأجر بالرخصة المجددة لانها مترجمه
لكن نظامياً لو سؤلت من قبل اي رجل امن بيسألك على الرخصتين
وكلها 100 ريال وصورة شخصية وانت واقف تطلعها
والله يوفقك
وبالنسبة انا ارشح عند الوصول لاي بلد بعد عناء السفر وبوجود العفش الافضل تاكسي الى مكان الفندق او استئجار سيارة
اما المترو اول ماتوصل وانت معك عفش وتعبان ولسه تدور على العنوان وهذا ماكان معك عائلة بيكون تعب