صبر أيوب
30-04-2022 - 10:21 am
السلام عليكم ..
الله يعطيكم العافيه عندي كم سؤال اتمنى القى إجابة وافيه وكافيه ..
وقبل لا اسأل حبيت اعطيكم فكره اني أول مره ازور شرم الشيخ .. أو دوله خارج الخليج
عشان كذا لا تستغرب من الأسئلة
السؤال الأول : بخصوص جمارك مطار شرم الشيخ .. سمعت انك لازم تعطيهم بخشيش هل هذا صحيح ؟ وكم تتوقعون اعطيه ؟ اخاف اعطيه شي ومايعجبه ويجلدني
( ياليت سعر )
الثاني : هل هناك تأشيرة أو رسوم الدخول لمصر ؟ وبكم ؟ ( إذا قادم من السعودية )
الثالث : كم يكلف التاكسي من المطار إلى خليج نعمة ؟ عشان اكون في الصورة
الرابع والأخير : بالنسبة للفلوس .. هل احولها من الرياض إلى جنيهات ؟ أم احولها دولار ؟ أم اخليها ريال وأحولها من هناك ؟ وش الأفضل من حيث الأمان - السعر - التعامل
انا والله عارف اني ثقلت عليكم بالأسئلة .. بس والله اني مرتعب شوي خصوصا ً انها الأولى لي خارج الحدود الخليجية وحبيت اكون على بينه بكافه الامور .
وجزاكم الله كل خير
الرد على أستفساراتك....
1- لا تزعج نفسك بالموضوع أمشي مع الناس وأطلع من المطار كأنك في أي مطار آخر ولا تحط في بالك وش بتعطي وكيف وشلون... شرم مش مثل القاهرة ما فيه أحد يزعجك أو يحن عليك.
2- ما فيه لا تأشيره ولا غيره جوازك صالح لأكثر من 5 شهور و أمورك تمام.
3- تاكسي المطار مره غشاشين واذا فاصلته قالك انت في شرم مش القاهرة .. حنا كنا ساكنين نوفتيل خليج نعمه ويبعد عن المطار 10 دقائق لأن طرقهم سالكه والتاكسي قال ب 80 جنية.. لكن داخل المطار فيه شركات توصيل أخذتنا 10 أشخاص مع العفش ب 140 جنية وبسيارة واحده.. أنت قبل تطلع لتاكسي أسأل الشركات.
4- الأفضل حولها من الرياض وأحرص أنها تكون من فئة 5 و10 و20 الفكه جداً مهمة ولا أعرف أنك راح تدج لو بس معك فئات كبيره.. لكن بشكل عام شرم ماراح تأخذ فيه تاكسي كثير وأنت في خليج نعمه يعني كل ليله السهر فيه وسعر التاكسي من نعمه إلى سوق إل مركاتو 15 أو 20 بس .
بالتوفيق ورحلة سعيدة