السلام عليكم ورحمة الله وبركاته
عن نفسي انا اقلك زيورخ اجمل واكبر من جنيف والافضل انك تسكن فيها واما با النسبة للمعيشة في في انترلاكن ولوغانو عادي زي بقية مدن سويسرا كل شي با الفرنك و الفرنك = 3 ريال سعودي ومعيشتهم زينا با التمام يعني الببسي ب ريال وعندهم ب فرنك يعني 3 ريال الموية ب فرنكين يعني ب 6 ريال وقيس على كدة
واما با النسبة للسكن في لوغانو ما سكنت بس رحت قضيت يوم ورجعت اخر اليوم واما انترلاكن سكنا في فندق امام محطة القطار اسمو ميركوري وسعرو جدا ممتاز 466ريال بس مستوى الفندق 2ونص من 5 بس هادا الا لقينا فاضي في الفترة الا رحناها
واي طلب نحن في الخدمة

أهلين أخوي
بالنسبة للوقانو احنا سكنا مره في الهوليدي ان قريب والسويت مره كان نظيف ومرتب وسعره شيك في موقع بوكينج لأن الأسعار تختلف من فترة لفترة
وبالنسبة لانترلاكن قبل فتره سكنا في فكتوريا مره رايق وخطير على الحديقة بس شويه غالي
العام الماضي ما حصلنا حجز فسكنا ليلتين في قندق بفلو (بتشديد الفاء) مرتب مو خطير بس مطله شويه عليه روعه يطل على النهر الصغير من الخلف وجبال توسع الصدر
وبعدين طلعنا لأوتيل فوق الجبل اسمه قس باخ هوتيل شويه عليه كلمة خطير أتعب وانا اقول تعيش ايام راحة وروقان ما تحلم فيها
وبالنسبة لجنيف انا دايم اروح لها واحبها بس اكتشفت مؤخرا ان زيورخ فرق احلى اقل زحمة واقرب لأماكن كثير (شلالات الراين، قرية مين فيلد بيت هايدي، ملاهي يورو بارك....)وسلامتك
وأتمنى أكون أفدتك أخوي...