والله امس كنت بقترح عليك هالاقتراح بس قلت يمكن مايبي اليورو بارك
كنسل جنيف ومونترو من مخططك وخليه كذا
باريس ثلاث ايام
فرايبورغ+ اليورو بارك ليلتين (عن طريق ستراسبورغ)
انترلاكن6 ليالي (ممكن ليلتين منها في لويزرين)
لوقانو ليلتين ( وممكن تخلي هالليلتين في ميلانو )

بسم الله كنك تقرا افكاري ,,,,,والله امس فكرت فيها,,,فرايبورغ هي الغابات السودا صح؟؟؟ بس المشكله مدري كم بينها وبين باريس وبينها وبين انترلاكن؟

رجل طموح
في النص بينهم فرايبورغ تقع في منطقة الغابات السوداء وقريبة جدا من اليورو بارك وقريبة جدا من ستراسبورغ الفرنسية اللي بتجي من باريس عن طريقها.
ستراسبورغ بينها وبين باريس بالسياره اربع ساعات وشوي لكن بالقطار اقل ساعتين وعشرين دقيقه فقط (من باريس لستراسبورغ بالقطار السريع TGV) باليورو ستار
وبين فرايبورغ وانترلاكن اقل من ثلاث ساعات بالقطار الفرنسي من ستراسبورغ الى زيورخ ساعتين وربع ..

جنيف مافيها شي ولاتسوى بصراحه ووقتك ضيق
خل ايامها في انترلاكن احسن لك
ولا تقسم السكن بين لوقانو وميلانو (اسكن يا في ميلانو يافي لوقانو وحده منهم)

انا قلت جنيف ودي ازورها عشان مصنع الشوكلاته وبتكون عالطريق لانترلاكن,,,,شرايك انقص منها يوم واضيفه لانتر لاكن تصير(((3باريس_2فرايبورغ_2جنيف_4انترلاكن_2لوقانو))) )

رجل طموح
ممكن
اذا معك سيارة ممكن تزور المصنع من انترلاكن
اذا بتستاجر سيارة أفضل تستاجرها بعد ماتوصل ستراسبورغ وتسلمها في لوقانو بعد ماتروح ميلانو بها او تسلمها في مطار ميلان
3 باريس
2 فرايبورغ او ستراسبورغ
5 انترلاكن ( يوم الوصول تمشي ورحله رحله بحيرة تون أو سبيز ومطل انترلاكن الهاريدكلوم , يوممنها تزور مصنع الشوكلاته والجبن ومونترو في نفس اليوم , يوم لويزرين وقمة ريقي, ويوم قمة جوانفغرو مع فنجن في الذهاب ومورين في العودة ويوم قمة القلاسيه مع قشتاد وممكن تزور معها لوزان أو الكانستريق والاوشن سي والشلالات)
ممكن رحله لويزران وقمة ريقي تكون في الطريق الى لوقانو يعني تطلع من انترلاكن الى لويزرين الصباح وتوقفون سيارتكم وتطلعون للقمة بعدها ترجعون تتمشون وتتغدون في لويزرين ومنها تكملون طريقكم الى لوقانو
3 لوقانو (يوم كامل منها مخصص لميلانو)
والعوده من مطار ميلان
اعتقد كذا رحله مرتبه ومعقوله وفيها شوي استقرار

شكلها كذا,,,بس ماقلت لي كم المسافه بين باريس وفرايبورغ,,,وبين فرايبورغ وانترلاكن,,,وانترلاكن ومنترو لان انا مامعي سياره كل تنقلاتنا بالقطار,,,واحنا خفيفين بس انا وزوجتي

طيب ما قلت لي وش رايك بخطتي انا اقول جنيف عشان يصير الطريق سهل واقرب لمنترو(3باريس_2فرايبورغ_2جنيف_4انترلاكن_2لوقانو)