وعليكم السلام ورحمة الله وبركاتة
الله يحييك اختي ام محمد ويوفقك
الي اعرفه ان ممنوع تاخذون مبلغ كاش اكثر من 10000 الف دولار
ولاكن ممكن توزعون البلغ بينكم كعائلة وكل واحد يشيل جزء
او فيه حل ليه ما تخلون المبلغ عندي احفظه لكم

طيب ليش ما تحولة على حساب احد لو فيه قلق

في امريكا 10.000 دولار
وعلى ما اضن في لندن محد يسال على المبلغ ولكن للاحتياط وزعو المبلغ مابينكم
توصلون بالسلامة

اضواء المدينة
ماقصرت اخوي على ردك
بس سؤال ... شلون بيعرفون اذا عندك مبلغ سواء كبير او صغير وهم ماعندهم تفتيش شخصي؟
والفلوس ماتطلع على الاجهزه كالمعادن ؟
يعني حتى لو اخليها بشنطه يدي مب واضحه بالجهاز
والا انا غلطانه

وعليكم السلام ورحمة الله وبركاته
هلا وغلا بنت ديرتي ..
ردي قطر والمبلغ في مخباج ولاأتحاتين ..
والسفره من اولها مب راضيه تركب معاكم ..
اول شي البطاقات وبعدها ظرف طارىء خلاكم اتردون الدوحه ..
قولوا حق الي حواليكم يذكرون الله ..
ترى العين حق ..

وقت اللي بتطلعون من بريطانيا محد راح يسألكم عن ولا شي
لا تحاتون

عادي جدا حتى لو كان اكثر من المبلغ المذكور

جزاكم الله خير جميعا على ردودكم
الصراحه تطمنت بعد كلامكم وأن شاءالله بميزان حسناتكم
تقبلوا تحياتي
سؤال للمعرفه العامه : صحيح ان الماده المصنوع منها النقود تشابهه القماش ؟
هذه المعلومه سمعتها بس مب متأكده منها :36_13_3:

- أم أحمد -
هلا وغلا أم أحمد ..
الي اعرفه ان الفلوس مصنوعه من عجين الورق بخصائص معينه وبعدها ينضاف عليها بعض المواد لتقويتها وفي نفس الوقت اتخليها مرنه ..
وقبل فتره استراليا سوت حركه حلوه لأنها بدت تصنع الفلوس من البلاستيك وانجحت الحركه عندهم ..وأهم مزاياها تقدرين اتغسلينها، ولا تتأثر بالبكتيريا، وتعيش مدة أطول توصل إلى أكثر من خمس أضعاف العمله الحاليه، إضافة إلى أهم ميزة في الورق البلاستيكي وهي صعوبة التزوير إن لم تكن مستحيلة في مستوى التقنية في الوقت الحالي، لأن العملة البلاستيكية تتكون من شرائح فوق بعضها البعض وهذا ايصعب على المزور الي يكتفي حاليا بإتقان الألوان والأشكال والرسومات, مع العلم أن التجربة الأسترالية نجحت بكل المعايير، ولكنها تلاقي صعوبة في الانتشار في دول العالم الأخرى