العدد 6 افراد + طفلتين 4 سنوات وسنة ونصف

كبرياء امرأة
السلام عليكم
اختي الكريمة .....في ظل جنون اسعار التذاكر من الصعب الواحد يحدد اسعار اضافه انك لم تحددي تواريخ الذهاب والعودة ومدينة الوصول والمغادرة وعدد ونوعية المسافرين
وبالتوفيق

البحرين برشلونة على الخطوط التركية 2100 ريال
اما الهولندية 3100 ريال
المغادرة 16 اغسطس والمدة اسبوعين
نحتاج الى شقة فندقية غرفتين وصالة ومطبخ
طبعا انا ماعرف اسعار الشقق
والله لو حصلنا شقة فندقية 3 غرف بسعر 1000 ريال شيء طيب
ويش اسعار الوجبات عندهم
انا ضد الطبخ في السفر:112:
لكني بتنازل وبطبخ بس نروح اسباني
الافراد
زوجين وزوجتين
ولدين في عمر 12 / 13 سنة
فروحوني وقولوا لي ميزانية حلوة ومعقولة
احنا ضايعين هالسنة مش عارفين وين نطق بوجهنا
ميزانيتنا سنويا في حدود 50000 الف تزيد ا وتنقص
طبعا ودنا نزور برشلونة ودريد هذي علشان خاطر الاولاد
سان سبستيان هذي للجميع
قصر الحمراء و اتوقع انها تصير بعديدة علينا
هي حلم زوجي لو تتحقق فهذا اجمل مافي الرحلة
ولو كانت مكلفة لابد نستغني عنها
انتظر ردكم

كبرياء امرأة
تذكرة الخطوط التركية ممتازة
والشقق صراحة ما عندي فكرة عنها بس مواقع النت ما تخلي شي وممكن تحجزون من خلالها
والأكل شوي غالي والله بس في اعتقادي 50000 كافية للعايلتين لمدة أسبوعين
والأفضل لكم ما دمتم 6 أشخاص استئجار سيارة والسفر بها من برشلونة حتى ماربيا يتخللها المرور على مدريد وعلى غرناطة اللي فيها قصر الحمراء وعلى فكرة خلي زوجك ينبسط تذكرة دخول قصر الحمراء مي مكلفة أبدا في حدود 12 يورو للشخص وبعدها تسلموا السيارة في ملقا وتطلعون لسان سباستيان بالطائرة ولو قدرتوا تحجزون عودة للبحرين من سان سباستيان أو سانتاندير أو بلباو يكون أحلى ولو ما فيه حاولوا تحجزون من ملقا عودة للبحرين ولو حصلتوا قولوا لنا واحنا نساعدكم في تغيير ترتيب المدن

كل الشكر لك اخي زمان ويعطيك الف عافية
ودي استفسر منك قبل اخطو هالحطوة عن اسعار الفنادق
يعني فئة 4 نجوم في برشلونة والشمال كم اسعارهم عادة
او بمعنى ممكن تذكر لي اسعار الفنادق اللي حجزتها ومن فئة ايش هي
علشان اكون فكرة عن الفنادق
تحياتي لكم مرة أخرى مع شكري الجزيل

كبرياء امرأة
ممكن الرسالة توصلك على الجنك ميل

كبرياء امرأة
يوجد موقع ممتاز تستطيعين من خلاله المقارنة بين أسعار الفنادق في عدد كبير من مواقع النت وبعدها تختاري السعر الأرخص بس اختاري المدينة والتاريخ وعدد الأشخاص والغرف
http://search.hoteloogle.com/
وأنا حاجز من خلاله

الله يعطيك العافية اخوي زمان وربي يسعدكم في الدارين ويوفقك في رحلتك ولا يحرمنا منكم
والموقع اعطاني الامان بس ان شاء الله تتيسر ونروح مع مكتب شذونة
و الجماعة اللي عندي صاروا يتطلعون للاعلى اللي يبغى آثار وتاريخ كاملة ولو بوده كل الرحلة فيها
واللي يشجع مدريد يبغى يجلس فيها وماراح يتنازل عنها وليه تفضلون اخوي علي وتودونه برشلونة ويطلب من ابوه الفزعة واللي يشجع مدريد علشانة والا هو من مشجعي برشلونة
والقسم الآخر برشلونة وطبيعي ماراح يتنازل وانا اصلا حاطتها في البرنامج من الاساس
وانا لو بودي في الشمال وبس
يعني لو الود ودنا ترتفع الاسهم ونوصل ميزانيتنا ل 100000 ونقضي في اسبانيا شهر
الله ييسر لنا ولكم يارب ويحفظنا من كل شر

كبرياء امرأة
إن شاء الله تتيسر لكم الروحة مع مكتب شذونة
وهم ما شاء الله عليهم ثقة وبيسهلون عليكم أشياء كثيرة وانتم عندكم اسبوعين يعني تقدرون ترضون الجميع وكل واحد تروحونه للي يبي
بس كنت سألت سؤال ها ممكن تستأجرون سيارة للتنقل لأنها أفضل لكم وأرخص وتقدرون تمشون وتشوفون أكثر
وهل رتبتم برنامجكم - أقصد المدن - والا لا