مافيها كلام هذي رحلة (ام عزيز الأسبوعية عاد)
اذا وصلتوا الدومو (من القارمن حطي اتراكشن - Duomo)
فيه مواقف تكاسي
خلي واحد منكم ينزل من السيارة وياخذ تاكسي الى اقرب قراج سيارت
وأنتم تلحقون التاكسي
راح يكون على بعد 600 متر
انا اعرف الوصف لكن للي يعرف ميلانو
كلها 10 اورو وانتم مدخلين السيارة القراج
القراجات جدا امنة
من القراج 5 دقائق مشي للدومو
لا تفكرين بالقطار
الرحلة تاخذ اكثر من 4 ساعات
القراج القريب من الدومو هو
Nerino Sei Srl‏
و
Duomo Parking Di Saverio Foca'‏
و
Garage San Remo Srl‏
ولعلمك الخاص هذه المواقف مخزنة في القارمن اللي معاكم
بالتوفيق

جزاك الله كل خير يا بو عزيز
ولا خلا ولا عدم ان شاء الله
طيب ...ما عليه انا للحين شوي مو ذاك الزود مع القارمن
فقصدك احطه على ميلان ثم الدومو ؟ ليتك تفصل لي شوي ما عليك أمر
وهل يكفيني يوم واحد لو طلعت من الصبح س 7 ص مثلا ويمديني ارد بنفس اليوم ؟ والا احجز لي ليلة هناك ؟
اللي اعرفه انك حجزت في سير ادوارد ومكانه حلو صح ....بس الرابط اللي حاطه انت لهم بالايطالي مع الاسف
هل تعرف مكان ثاني احجز منه ليله ل 7 اشخاص ؟
وسؤال اخير ...ادري زودتها ..بس ما عليه كله بأجره
سؤالي : متى يبدأ موسم التنزيلات رسميا عندهم ؟ ودي اروح هاليومين
وجزاك الله خير مرة ثانية والف

سنابل الخير
ممكن من القارمن تختارين ميلانو والأفضل تختارين الوجهة المحددة اللي تبينها
اذا انتم شباب وما معكم كبار في العمر او اطفال فيمكن الذهاب والعودة في تفس اليوم
لكن بتكون متعبة خاصة اذا ماكان فيه احد يسوق الا شخص واحد
عندك تقريبا 4 ساعات رايح و4 ساعات للرجعة
وعندكم 5 ساعات تقريبا للتسوق
اذا انتم من النوع اللي عارفين المكان ورايحين له قبل وعندكم اهداف محددة بيكون الوضع ممتاز
ممكن تناومن ليلة وفي العودة تتوقفون بشامونيه للعشاء
فنادق الدومو وش كثرها لكنها صغيرة وغالية ممكن تشوفين هذا
Hotel Spadari al Duomo
Hotel Brunelleschi
Park Hyatt Milan
الترتيب حسب السعر
مع اني احبذ مع وجود سيارة ان تسكنون في ضواحيها
اسهل واوفر واريح
مواسم التخفيضات حتة نهاية شهر 7 ميلادي

والله شكله ان لازم نبات احسن يا بو عزيز
معاي اطفال والسائق واحد
طيب شنو اسم الحي اللي فيه ساحة الدومو
يعني من موقع بوكينغ احط شنو اسم الحي او اسم المنطقة اللي فيها اسواق الدومو ؟

إختي الكريمة سنابل الخير حمدلله على سلامة وصولكم لسويسرا .
وكيف ديفون وكيف الجو عندكم ؟ من الغبار اللي عندنا هاليومين بالكويت أسأل. إن شاء الله الجو ما يكون حار كثير بسويسرا .
أن شاء الله بعد كم يوم مسافرين لسويسرا .
نصيحة إختي أي رحلة تتجاوز مسافة الطريق 3 ساعات وعندكم أطفال مثل وضعنا معنا أطفال الأفضل تقضون ليلة أو ليلتين في المنطقة التي تزورونها .
أسأل الله السلامة لكي ولعائلتكي الكريمة

هلا والله الغالية مس يورب
توقعتكم وصلتو بعد ما طلعت فيزا الخدامة
الجو طبعا مهما يكون فهو أروع طبعا من الكويت ولواهيبها
جزاك الله خير على السؤال والنصيحة
وتمنياتي الصادقة لكم بالتوفيق في رحلتكم

سنابل الخير
ما يحتاج
نار على علم
بكفي تحطين كلمة "Duomo"

طيب ما عليك أمر ممكن تشوف ايميلي على الخاص

سنابل الخير
اوكي وصلني