شخابيط
03-12-2022 - 02:55 pm
مرحبا أعضاء منتدانا العربيين اليوم أنا جايب لكم تقرير خفيف ظريف لطيف ( لا يكثر ) أخلص
تقريري اليوم لاهو عن ملاهي ولا عن حديقة ولا عن ولاية اسمها كاموري (يا شينك لاقمت تفلسف) تقريري اليوم عن مطعم يقع في
شارع المدينة المنورة مخرج 28 بالرياض أكيد كلكم تعرفونه لأني لو قلت بالعريجاء منتب عارفينها
العريجاء هذي منطقة على ساحل ولاية كاليفورنيا بالقرب من مفرق زيورخ في عاير اديس ابابا
مالكم في الطويلة المطعم هذا كان مقابل شارع (الحوامل) وبحكم أني انضميت لهذا الفريق فترة
بسيطة فصرت كل يوم افرق معهم أ أ أ أ وش كنا نقول
ايه المطعم هذا يا جماعة الخير كنت أنا مقاطعه ( المقاطعة مهب حقت الدنمرك لا بالنسبة لأهل نجد لها مفهوم أخر)
مقاطعه يعني كل شهر أعزل من راتبي دراهم عشان أجي اتعشى فيه طبعاً بعد ما احرق كم سعره حراريه
أعوضها بكيلو من كاموري المهم مالكم بالطويلة وفجأة . . . (أسوي أثاره)
في رمضان قفل هذا المطعم ولعاد ادري وينه الأن وش لون بعوض الشحوم اللي ذابت ولكن
بفضل من الله وبعد التحريات فقد تم القبض على المطعم في الشارع المذكور
باختصار المطعم يا جماعة الخير رائع ( وأنا اصنفه أفضل مطعم برجر بالنسبة لي رايي وانا حر فيه)
ولا ابالغ إذا قلت يفوق المطاعم العالمية ماك وكنتاكي وهارديز وحتى المحليه هرفي وطقته
خدمة العماله فيه ممتازه الطعم ممتاز سرعة تقديم الطلبات ممتاز
عيوبه
فروعه قليله هذا إذا ما كان ما له الا هذا الفرع
بعض الطلبات لازم تطلبها قبل بوقت غير متوفره
طبعاً زي ما قلت لولا اختلاف الاذواق لبارت السلع فأنا اعجبني وزوجتي ترى انه عادي ( ههه ادري الحريم هالحين
يقولون لرجالهم شف شخابيط يودي حرمته مهب انت ههه مهب كل الرجال زي بعض يا بنت الناس )
عموماً اتركم مع الصور
هذي افضل الوجبات عندي اوريجينال برجر تذكر ببرجر مشوي مشهور في ( بالي ) نسيت اسمه بالي جزيرة في اندونيسيا
البرجر الايطالي روعه
اتمنى يكون التقرير اعجبكم
تقرير وصور حلوة