الله على كالفورنيا احلى ولاية في امريكا كلها
انا مدمن كالفورنيا ماقطعني عنا غير الاحداث الاخيرة لاكن ماقدرت وقررت المواصلة
وخلاال السنتين السابقة رحت هناك اربع مرات
هذة المدن تقدر تتجول فيما بينه بالسيارة وكل مدينة احلى من الثانية
لوس انجلوس
سانديقو
سان فرنسسكو
لاس فيجس - نيفادا

مشكور على المعلومات الحلوة... بس انا بسير امتحن وارد يعني يادوب اسبوعين وابا استانس فيهم ممكن تعطوني اماكن بالتفصيل ....
وشكرا

في لوس انجلس...لازم تروح اليونفرسال ستوديوز.....و ديزني لاند(اللي بفلوريدا ديزني وورلد)....وملاهي 6 فلاقس( 6Flags)....ومن لوس انجلس أطلع على لاس فيجاس بالسياره(4ساعات تفريبا)...بلاس فيجاس الفنادق هناك فرجه لحالها...بس لا تقعد فيها اكثر من يومين...ومنها ارجع لسان دييقو(5 ساعات عن فيجاس وساعه عن لوس انجلس)....سان دييقو حلوه مره فيها SEA World حلوه.......سان فرانسيسكو مارحت لها...بس ان كان وقتك يسمح لك روح لها....بس ارجع واقول اليونفرسال ستوديوز ولاس فيجاس لهم الاولويه..

أخي العزريز بسبوسي أنصحك تبدأ الرحله من كاليفورنيا ثم إذا بغيت أنزل صوب نيفادا للاس فيجاس و أنا عندي مقترح لرحلتك ياليت يعجبك :
اولاً- إبدأ الرحله من سان دييجو و أجلس فيها حول أربعة أيام اليوم الأول خله للراحه و إستكشاف الأماكن القريبه و بعدها ترتاح و اليوم الثاني تصحى بدري و على وجهك على حديقة الحيوان ( الأكبر في العالم ) و هي جميله جداٌ و ممتعه و بتاخذ كل وقتك و من بعده تطلع تدور على مكان تسهر فيه سينما أو غيره .
اليوم الثاني برضو تصحى بدري و تروح على عالم البحار و هو كبير جداٌ و فيه عروض و فعاليات لا قبل و بعد ما تستانس فيه تطلع و إذا بغيت تتعشى فيه مطعم مغربي زين بس ناسي إسمه ( أجل ليه حاطه ) و بعدها تروح ترتاح
اليوم الثالث ممكن تتجه لجزيرة الكونراد التابعه اسان دييجو ( صغيره مره ) تروح لها بالسفسنه و تقضي ثلاث ساعات فيها تزور الشط و تتسوق و تتغدى و تزور الفندق اللي فيها ( ينزل عادة فيه المشاهير )
اليوم الرابع تصحى على مزاجك و تروق و بعدها على الشاطئ و قضها ساعتين إسترخاء و بعدها روح على متحف الشمع ( مشابه للي بلندن ) و بعدها على البيت ترتاح و يكون اليوم الأخير تجهيز للمغادره و راحه ومن بعدها تغير المدينه ( في بجانبها مدينه هادئه و جميله جداً اسمها مونتراي ممكن تقضي فيها يومين )
ثانياً- تتجه للوس انجلس بس ما أنصحك تسكن فيها بل أسكن في اناهايم و هذي المدينه الموجود فيها ديزني لاند و فيها موتيل بسيط قدام الملاهي مباشره ممكن تسكن فيه قضي اليوم الأول راحه و اليوم الثاني مباشره من الصباح على ديزني لاند و تقطع التذاكر و تقضي كل اليوم فيها ( بتستانس جد ) و بقية اليوم أنت حر فيه .
اليوم الثاني تخرج بدري و تتجه لنفس ديزني لاند بس ما تدخلها تدخل الملاهي المقابله لها ( كاليفورنيا ادفنتشر ) فيها ألعاب كبيره و فرق جواله تعرض حركات و رقصات و بعد ما تخلص اطلع منها على المغرب و اتجه للوس انجلس و قضي السهره فيها .
اليوم الثالث تصحى بدري و تروح على استديوهات يونيفرسال بتشاهد الأستديوهات و بياخذونك في تور حلو و بتشاهد المؤثرات قدامك و إذا كان الوقت اللي رحت فيه عندهم افتتاح فيلم بتلاقي فعاليات و عروضات متعلقه بالفيلم ( أنا كان حظي على ذا مومي ريتورنز )
و بعدها تروح البيت ترتاح و من اليوم الرابع تدخل لوس انجلس تتمشى فيها ثم ترجع بدري للسكن و تلم أغراضك و في الصبح تغادر .
ثالثاً- تتجه إلى سان فرانسسكو و في الطريق تمر على حديق الأشجار ( فيها أقدم الأشجار و أكبرها في امريكا لدرجة وحده من الشجر كانت موجوده قبل ما ينولد النبي محمد صلى الله عليه و سلم ) و بعد فتره بسيطه تغادرها و تكمل طريقك لسان فرانسيكو و تخلي اليوم الأول على مزاجك ز
اليوم الثاني تصحى بدري و تروح سجن الكتراز ( الموجود في جزيرة الكتراز ) يودونك له في سفينه و بعدها توصله و ياخذونك المرشدين و يشرحولك عنه و عن تاريخه و أهم السجناء اللي كانوا فيه و بعدها أرجع و تغدى في المطعم البحري الموجود على الكورنيش و قضي باقي اليوم على مزاجك و بعدها تعشى في أحد المطاعم الهنديه ( أكلهم روعه ) بس ترا لا تطول بالليل في الشارع في هذي المدينه تراها موحشه مره و فيها إجرام
اليوم الثالث تصحى و تروح على جسر الجولدن جيت و تصوره من الجبل المطل عليه و تدخل الحديقه التبعه للجسر و تريح فيها و بكذا تكون خلصت أهم ما في هذي المدينه فترجع منها و في الطريق تمر على ملاهي السيكس فلاغز و تتونس ( فيه أضخم الألعاب في العالم ) .
رابعاً- تتجه لهوليوود و تاخذ لك تور يدور بك في بيفرلي هيلز و يشرحك عنه و يوريك القصور و يعلمك هي لمين و ممكن تتقي بالمشاهير و بعد التور تروح على متحف هوليوود واكس متحف الشمع للمشاهير و بعدها تدخل المتحف اللي مقابله أسمه صدق أو لا تصدق هذا المتحف كأنك قاعد تقرأ موسوعة جينيس .
اليوم الثاني خله تسوق في بيفلي هيلز و ونس عمرك .
الأن أنت خلصت كاليفورنيا اتجه إذا بغيت إلى لاس فيجاس و قضي فيها يومين أدخل أهم الفنادق و زور المناره و أركب اللعبه اللي فوقها و زور متحف ألفيس بريسلي .
و بعدها تتجه لأرض الوطن
أرجو أن يعجبك البرنامج .

مرحبا انا انصحك 100 بال100 تزور لاس فيجاس لانها بلد مالها مثيل ابدا صدقنى طيب اوتيلاتها عبارة عن دول مصغرة فية نيو يورك وفية باريس وفية على شكل فينس وفية الاقصر على شكل الاهرمات وبصراحة انا لما رحت لها سكنت ب mgm grandوهو لوحدة مدينة من جد جلسنا اسبوع فية ومالفينا علية كلة واذا كمان حتروح لها فية رحلات بالهيلكوبتر على اكبر سد بالعالم وجبالها وكمان فية عروض مسرحية وسحرية لاتفوتك حقيقى ماحتندم على زيارتها

بالنسبة للوس انجلس بالعكس انصحك بالسكن با انا هايم انا سكنت باوتيل الهيلتون مقابل الديزنى وطبعا باصات على طول توصلك لها وفية مكان اسمة21 cinma سبيكتروم هو قهاوى وسينمات مرة حلو العرب يجلسو فية وبالنسبة لdown town ماكثير حبيتها زحمة وماهى امان بس زور سانتا مونيكا بحرهم حلو وطبعا لازم اليونيفرسال ستديو ومعليش اذا حبيت خبرة الستات بالشوبينج اعطيك موجز شارع الرديو درايف من افخم اماكن التسوق بالعالم وفاشن ايلاند كمان مرة حلو وساوث كوست بلازا خطير وبس اما سان دياجو روح لها بالسيارة المسافة قصيرة وطبعا زور الsea world مع انى ماكثير عجبنى بس فية مكان يطلع على البحر شارعوفية مطاعم وقهاوى ومحلات مرة كان حلو وسان فرانسيسكو بصراحة ماكثير عجبتنى بس انت وذوقك وجوها احلى من باقى كالفورنيا خلاص بعد كل هالتعب اشكرنى استاهل صح

1. لكن ... نزولا عند رغبتكم الشديدة ... في البرمان واللف والدوران ...


2. فارجوك ان تسكن في ( موتيل صغير ... علشان تحرق قلوبهم ) ...

اخي الكريم ( بس بوسي )
أولا ... يا هداك الله ... اسبوعين ... وعندك إمتحان ... يعني شكلك تدور قبول هنا ولا هنا ... وأنت للأسف من أولها تدور تماشي وتضيع وقت ولفلفة ودوران بالشوارع ... إخص عليك ...

لكن ... نزولا عند رغبتكم الشديدة ... في البرمان واللف والدوران ...

ابي اقول لك ... البرنامج اللي قالك عليه هذا الاخ اللي اسمه صعب ( أعتقد ان اسمه ... جيوفارا ) المناضل الشهير
حقيقة برنامجه جدا جيد وممتاز ... بس اضف له من عندي ... اذا انت راعي سهرات مسائية ... رح للصن ست بوليفارد في لوس انجليز .... وهو مرتفع يطل على لوس انجليس كلها وفيه ... مطاعم واماكن سهر ( بريئة ) وأماكن سهر ( غير بريئة ) ... طبعا نصيحتي لك بالاماكن ( البرئية ) ...
علشان اذا طب عليكم عباس ( أكيد بتطلع أنت كمان بريئ ) ...
وبالنسبة ل ( لاس فيجاس ) ... الاخوة والاخوات ما أعطوك السالفة ... صحيح فنادق خرافية ... بس اذا انت تبي تشوف فنادق بس ... ( أوكي ) .... بس اذا انت تبي ( تجرب ما في الفنادق ) ما هوب أوكي ...
لانها كلها ( اقصد القصة كلها )
( قمار في قمار ) ( قمار بالصبح ) قمار الليل ( قمار وانت داخل ) قمار وانت خارج ( وحفلات ماجنة في الليل )
وللأسف فيه فندق ... كان أسمه ( تروبيكانا ) الله لا يوفقو ... حاط العلم ( او بلاش ) ... بعض الاعلام الخليجية ... دليل كثرة زبائنه من تلك الدول ...

فارجوك ان تسكن في ( موتيل صغير ... علشان تحرق قلوبهم ) ...

وبالنسبة لكلام الاخت ( البدر ) فإن السد الكبير اللي قالت عليه ... أسمه ( دوفر دام ) وهو يفصل حدود ولاية نيفادا مع أريزونا ... وهو مقام على نهايات ( الجراند كانيون من الغرب ) والقراند كانيون ( هي ) ( ديراب حقت السعودية ) بس على أعمق بكثير جدا ... وواديها يعتبر نهاية نهر كلورادو العظيم من ناحيته الغربية ... وممكن تركب حمار هناك وتنزل الوادي في أخطر رحلة بالحمار وتستغرق ثلاث ساعات نزولا وساعتين في الصعود .... أو ممكن تركب طائرة عامودية وتتجول فق الوادي ...
وبعدين ... تقعد تبكي على الامتحان اللي ممكن تجيب فيه صفر وما تنجح ( كخكخكخكخكخ )
سلام

SEATTLE4EVER
مشكور على سرعة الرد ومعلومات مفيدة واالله
guevara
تفصيلك لجدول الرحلة مميز وفظيع الف شكر بسوي برنط اوط (PRINT OUT) للجدول
نجلا البدر
انا والله فكرت اروح لاس فيغاس بس اذا السالفة قمار في قمار اخاف اروح والله يخسف فينا بس باقي الاماكن ان شاء الله بروحلها ونص
راعي السيكل
يا حليلي والله انا بمتحن في CPA يعني بالعربي ماجستير في المحاسبة الدولية والدراسة في البلاد وبس الامتحان في امريكا بس بعد خطة البرنامج عجيبة وراح انفذها بحذافيرها (ما عدا موضوع الاماكن البريئة الله يكافينا الشر)

ركز على رحلة الحمار حق الجراند كانيون ... ولا تخاف ... والله رحلة رهيبة ...