- الا انهم مشكورين وماقصرو
ابشركم رجعت بحفظ الله ورعايته لارض الوطن
واشكر الاخوان والاخوات اللي افادوني بمعلوماتهم القيمة عن قوانزو وان كان هناك تباين في بعض المعلومات
الا انهم مشكورين وماقصرو
ابي اتكلم عن بعض النقاط العوائل اللي يبون يروحون سياحة ترى ماتحتاجون لمترجم ولا مترجمة خذ كل المعلومات من الموقع واذا بغيت تروح لاي مكان فقط خل موظفين وموظفات الاستقبال يكتبون العنوان بالصيني وتوكل على الله
في طريقك للعودة وفي المطار راح تواجهون افارقة يزعمون انهم يعرفون موظفين شحن ومستعدين ان يخدموكم في الشحن الزائد نصيحة لا تصدقونهم لو كلف الامر انك تبيع عفشك بمزاد علني في مطار قوانزو تراهم نصابين نصابين نصابين >>>اكررها ثلاث
في احدى المواضيع فيه ورقة صفراء فيها اسماء وعنوانين مجمعات نصيحة لا تعتمدو عليها بالذات مجمع الجلديات اكبر مقلب شربته في المنتدى وكمان مجمع الجزم الفاخرة مقلب متعوب عليه المسجد كذلك طلع ضريح ل ابوموسى مدري ابو من ومسكر مايفتح الا في اوقات معينه
بخصوص المطاعم افضل ان الواحد يتزود بالمعلبات واذا بتنزل في شقة لا مانع من عزبة طيبة
كارفور اللي في الورقة الصفراء نصيحه اصرفو عنه النظر والله يابقالة في دعواس من دواعيس الخليج العربي انها اطلق منه
الاخوات اللي يبون يتسوقون ها الله ها الله بالمكاسر والصينين والصينيات من يشوفو خانت ال ميات تطير عيونهم المهم قد ما تقدر كاسر انزل للارض اذا بغيت تحصل على سعر مناسب ارجع اكرر كلامي للاخوات كاسرو مو تشوفون الاسعار تنسون انفسكم وتوهقون رجالكم حفظهم الله
الالكترونيات دياركم ازين وافضل واحسن ويكفيك انه منتج اصلي 99.99 % من الالكترونيات اللي في الصين الشقيق مقلده
بصفة عامة الديره طيبة والصينين والصينيات طيبين
اي استفسار انا حاضر يومياً من الساعة 3 الى الساعة 4
التقرير و الصور...