تويتى75
وضعت لك رابط آخر في الدليل
واذا ما ضبط
ضعي لي التواريخ والوقت المفضل
دائما انصح المسافرين اللي يروحون لسويسرا ويعتمدون على القطارات
انصحهم يحطون جدول الرحلات في شنطة ظهرهو او جيبهم
والجدول مجانب
السنة هذي لونه أزرق وحصلت على كمية كبيرة من الأخوان في الوكالة (الزومان)
اذا انتم من السعودية او غير السعودية شوفي الوكيل مري عليه وخوذي لك كم نسخة
وياهلا بك مره اخرى

جزاك الله خير ومشكور هذا العشم
الوصول زيورخ يوم 30_6 الساعه 14:5
العوده من انترلاكن 8-7 على حسب جدول القطار
يوم في زيورخ و العوده للوطن
ولك جزيل الشكر وبانتظارك
بالنسبه للوكيل قصدك مكاتب السفريات

بنجور
محطة القطار في مطار زيورخ اسمها Zurich Flughafen
وكل الرحلات تكون عبر المحطة الرئيسية في وسط البلد او محطة بيرن او سبيز
محتاجين ساعة ونصف الى ساعتين للإنتهاء من استلام الحقائب
لذا اي قطار بعد الساعة 4 العصر مناسب
القطارات كل نصف ساعة
ومتوفرة المقاعد
ولا تحتاجين حجز او شراء للتذاكر
تعملين حساب انكم راح تتوقفون في المحطة لشراء الباس اللي اخترتوه
يعني ان شاء الله تاخذون قطار الساعة 5 العصر
رقمه IC 836
ينطلق الساعة 55 و39 دقيقة
تغيير القطار في سبيز
وتاخذون قطار IC 1087
الى انترلاكن الغربية
طبعا مهم تفهمين الحروف والرموز اللي في الجدول
القطار الأول ما فيه اي حروف متعلقة بالحجز
القطار الثاني فيه R ومعناها ممكن الحجز وليس اجباري
,وبعض الأحيان RE ومعناها يفضل الحجز
في التوفيق هذي قائمة بالوكلاء المعتمدون للسويس باس
Alghanim Travel
Fahad Alsalem St., PO Box 81, 13001 Safat
Kuwait tel:
fax: 9652425640
[email protected]
Jumbo Tours & travel
PO Box 3718, Safat
8Kuwait tel:
fax: 9652427789

Kuwait City
Jumbo Tours & Travel
Fahad Al Salem Street
Safat
8Kuwait City tel: 965 242 0064
fax: 965 242 7789
..:: Jumbo Travels ::..
Safat
Al Ghanim Travels
Fahed Al Salem Street
P.O. Box 81
1Safat tel: 965 2432100
fax: 965 2429560
[email protected]
بالتوفيق

مشكور وماقصرت وجزاك الله خير انشالله
أخر سؤالين ادري مصخت.........مافي قطار بدون تبديل؟
نقدر نشحن الجناط الكبار لانترلاكن حتى مع تبديل القطار ؟

تويتى75
لا أبد تسألين اللحين ولا تحوسين اذا وصلتي هناك
اسألي مثل ما تبين
للأسف مافي قطار بدون تبديل ومظرين تحملون الشنط معكم وبنفسكم
خدمة الشحن متوفرة بين كل مدن سويسرا
وممكن بكل سهولة (على الأقل في رحلة الوصول ورحلة المغادرة) شحنها
لكنها خدمة غير مجانية وممكن تضيعون وقتكم في انتظارها
الحل الوحيد هو التخفيف من الحقائب
والتذكر دائما أن الزوج الغلبان هو اللي راح يشيلها
خاصة عند أصعب نقطة وهي عند الدخول للقطار
أتمنى لكي ولكل المستخدمين للقطار
اخذ جدول الرحلات والتعود على استخدامه
ومعرفة كل رمز وما يعنيه
ومعرفة قرائة المعلومات اللي في القطار وخاصة موعد الرحلة ورقم الرصيف وربطه برقم القطار
نصيحة
اذا عرفت موعد تحرك القطار
وعرفت اسم المحطة اللي متجهين لها
فأهم شيء هو معرفة وقت وصولكم لها
القطار 99.9% بيمشي بموعد (إن شاء الله)
وبكذا بتجلسين مرتاحة وهادئة الأعصاب في القطار
فقط وبدون ما يشعر الأخرون معكي تابعي عقارب الساعة
وقبل موعد الوصول المحدد ب 5 دقائق
اطلبي من الجميع الإستعداد
وقبل الموعد بدقيقة او اثنتين راح تشعرين بالناس اللي حولك
يقفون ويتجهون للأبواب
وبما انكم معكم حقائب فلابد من عمل خطة مرتبة للنزول
في حالتي كنت اطلب من عزيز وليان الأنتظار في زاوية القطار عند الدرج واقوم انا وام عزيز بتنزيل الشنط بسرعة وآخر شيء ينزل هم الأولاد
العملية لابد ان تتم بطريقة مرتبة لأن بعض القطارات تتوقف لدقائق وتمشي
وبعضها يتوقف لفترة طويلة
مثل قطاكم من زيورخ الى سبايز
بالتوفيق
وتذكروا انها اجازة
والسفر مع الأخطاء شيء وارد وحتمي
أهم شيء لا تجعلين هذه الإخطء تعكر صفوكم
بل على العكس استخدميها كذرى طيبة ومرحة

مشكور بوعزيز جزاك الله كل خير
انشالله تكون الخادمه معانا تخفف على بو العيال الشيل والحط

تويتى75
انتي تقولين لي
اخرشيء ممكن اتخيله ان الزوجة تشيل وتحط وهي في اجازتها
الله يخلي لك بعلك
ودوم ان شاء الله

ابشرك بوعزيز خدامتنا القديمه اجلت سفرتها وبتسافر معانا
افتكينه من مذلة السفارات والفيز
الحمدلله الله يسهل سفرتنا مثل ماسهل فيزنا
والجميع انشالله

تويتى75
الحمد لله الذي لا يحمد سواه
نيتكم طيبه وتستاهلين الخير كله