معقوله 17 زياره و مافي احد عنده رد !!!

سلام
هلابك اختي ديزرت روس
انا انصحك بطريقة ثانيه اسهل وارخص
من المطار فيه باصات مجهزة ونضيفه وخمس نجوم بعد ، توصل الى قولد كوست كلها ساعة بالكثير وانتي في قلود كوست، والتكلفة حول عشرة دولار،
اذا بغيتي القطار ممكن تركبي القطار من نفس المطار حق برسبن ، تلاقينه في الدور الثاني في المطار، وبرضو ممكن تطلعي من القطار الي عند فندق الشيراتون في داخل برسبن اذا انك ناويه تدخلين المدينه.
هذا ما عندي ودمتم..

اخوي قولد كوست ... مشكور على ردك وعلى افادتك لي بهالمعلومه لاني كنت راح احوس عايله كامله معاي
الف شكر مره ثانيه

اسفة اخت/Desert Rose والله من فترة مادخلت المنتدى مشغولة لشوشتي مااطلع من اختبار الا اطب في اختبار الله يعين بس00000000000
المهم بالنسبة للقطار محطة قطار تلاقي فيها لابد قطار يودي الى القولد كوست ومحدد الساعة اللي بيروح فيها ونوع القطار اللي راح يروح للقولد كوست وممكن كمان تروحون لها عن طريق السيارة بس الله يعنكم على السعر نار والطرريقة الثالثة وهي مثل القطار بس انا فضلت القطار عليها لانة يمر بالارياف والمناطق الواقعة بين القولد وبريزبين..........و بالنسبة للقطار حوالي 45 دقيقة وبعدين تركبون باص 7 الى 10 دقائق الين ينزلكم في المنطقة المطلوبة واكيد بتكون البرادايس لانها افضل شي في القولد كوست........
انصحك تدخلين الموظوع المثبت ( كل مايحتاجة المسافرالى استراليا) بتلاقي في احد المواضيع اللي لي روابط عن مواقع في بريزبين والقولد كوست وكمان مواقع للقطارات وتحركاتها ...........

اهلين اختي .. طيف الورود
سبحان الله كأنك عارفه اني أبيك تردين على موضوعي لاني اعرفك خبيرة بريزبن ما شاء الله
قريت ردك و بصراحة ما فهمت الا 80 % منه ..... الظاهر الاختبارات عامله دورها معاك
الي فهمته ان في 3 طرق .. قطار و سياره بس الثالثه ما عرفتها .. يعني مثل القطار كيف !!
احنا راح نوصل بريزبن الساعه 2 و نص بالظهر و على طول بنروح للقولد كوست و بعدين نرجع لبرزبن ونجلس فيها كم يوم ..... انا خايفه اننا نوصل الساعه 2 و نص و يكون القطار فايتنا عشان كذا حبيت اتأكد من الوضع
على العموم .. مشكوره على ردك الحلو و ربي يوفقك في كل اختباراتك ان شاء الله

ههه
اسفة والله ........
الطريقة الثالثة بالباص بس عاد راقبي حركات الباص زين واعرفي متى يرجع من القولد الى بريزبين وكمان القطار تاكدي من المواعيد لانها مهمة جدا عندهم بس اشوف ان الساعة 2 ونص توصلو لبريزبين وفي نفس اليووم تروحون للقولد كوست قليلة ماتجي في المشوار الا اذا كنتم بتجلسون فيها كم ليلة لاكن اذا كنتو بترجعوا في نفس اليوم والله لو تكملوا ليلتكم في بريزبين ومن البكرة من الفجر تروحوا للقولد عشان تستفيدوا من الوقت وتزورو كل شي فيها ..............
اذا عندك اي استفسار تفضلي خذي راحتك ان شاء الله اجاوبك .......
ان شاء الله تفهمي الموضوع ذي المرة 100% واذا مافهمت اسالي

أختي ديزرت روس تحية عطرة،،،
أقول لا تشيلين هم القطار يفوتك ماهوب فايتك ابد دامك بتوصلين قبل نص الليل، لانه كل فتره بسيطة (نص ساعة ) مثلا فيه رحله، يعني بتلاقينه في أي وقت انشالله
تحياتي

يا حبي لكم كلكم ... انا قايله من اول ان مالي غناة عن هالمنتدى
اختي طيف الورود .... هالمره فهمت عليك 100% مشكوره و ما تقصرين تعبتك معاي والله
اخوي قولد كوست .... ما تدري شلون كلمتك هذي ريحتني كثير كثير .. شكرا جزيلا اخوي و الله يوفقك ان شاء الله

السلام عليكم ورحمة الله وبركاتة .
اختي طيف الورود الله يجزاك بالخير . انا متوجه للسياحه للقولد كوست وملبوون . ممكن تدليني عن اماكن صرف الريال السعودي الي الدولار الاسترالي بافضل سعر . هل من مطار دبي اومن مطار برزبن اومن مكان معين في قولد كوست وملبورن . وجزاك الله الف خير .