ماشاءالله الرياض ملئية بالمهرجانات الجيدة والاخ مهند مثبت موضوع كامل عن لااحتفالات فى اعلى الصفحة

باالبدايه كل عام ونتم بخير
بصراحه لي ثلاث سنوات ماعيدت با الرياض
اقل شي جده وجده غير
وقرب الحرم حلو

كل عام وانت بخير
بالنسبة للأماكن اللي تصلح للاطفال والعوائل :

• عندك مطعم الضوء الخافت في طريق الملك عبدالله مقابل نادي الامير سلمان عندهم غرف صغيرة للعشاءواذا تبي فيه

جلسات برا في الحديقة وفيه العاب للاطفال ومرة المكان حلو وهادي

• فندق مداريم كراون فيه عندهم بوفيه على المسبح وفيه العاب اطفال ونفس الشيء هادي
• فندق صحارى المطار بوفيه عشاء + العاب اطفال
• الريف اللبناني في التحلية اكلهم ممتاز جدآآ بس مافيه العاب للأطفال ويفضل انك تحجز من بدري ..

واذا ذكرت شيء ان شاءالله بضيفه
وان شاءالله تنبسط في الرياض

مشكور اخوي "ودي اسافر ولكن":x1:
على نصيحتك لهذة المطاعم
وانشالله زوار مدينة الرياض يفرحون بهذة الزيارة

شكرا لكم جميعا على تفاعلكم
شكرا لك اخي "ودي اسافر ولكن" على هالمعلومات والله لا يحرمنا منكم

الفورسيزون عندهم في غير شهر رمضان في مطعم ذا قريل
بوفيه مفتوح للسلاطات والحلويات .. والطبق الرئيسي عباره عن اختيارك من انواع متعدده من المشاوي يجيبوها لك على الطاوله على الجمر ..
طبعا الجلسه كلها على المسبح
المكان شخصيا احبه جدا وجوه من افضل الاماكن والمطاعم
لكن قد لايناسب بعض العوائل المحافظه ومن يريد الخصوصيه لان الوضع شبه مختلط .. واحيانا بعض التصرفات تخدش جمال وروعة المكان