تسلم ديرتن خضرا ينقالها تاي
ويسلم منتدى يساعد من قصدهاَ
بحكي عن الوناسه والغيم والماي
ورخص الاسعار بتعب من ذكرهاَ
وصلنا المطار وشفنا التكاسي اسراي
وقلنا للرخيص طير لفنادق عربهاَ
طار لغريس لكن بالحشا راي
ودنا نشوف غيره يابعدهاَ
ضفاف النهر عليها فنادقن ياي
بلكونة شنغريلا تلوح ياقربهاَ
فندق ناسه وساكنينه كلهم هاي
وتلقى فيه كل الراحة وسببهاَ
تمتع في بانكوك وقولها باي
واعزم على بتايا ناطرتك ياسعدهاَ
ساعتين بالموتر بلا ليش ولا واي
دشة بتايا شالت همومي وكدرهاَ
جوعان؟ أجل يبيلك واحد كبت كاي
واطلب بعد شوربة غارقة في عدسهاَ
واذا نويت عالشيشة وكاسة الشاي
فالمقاهي تناديك ويامكثر عددهاَ
وعيش باقي سفرتك في ديرة التاي
والحين اسألك؟ تلوم من حبها عشقهاَ ؟
وسلامتكم