الجواز لو بقى عليه 6 شهور ويوم يدخلونه ولكن 6 شهور الا يوم يطلع الالالالالا !!!!

تقول باقي على أنتهاء الجواز ستة شهور والمعروف هو يمنع من السفر الى اي دوله غير الخليج على
ماعتقد والسؤال كيف اسمحوا له بالسفر نظرا للمده المتبقيه وهي ستة شهور .
على العموم مشكور ياخوي على هذا التنبيه والله يجزيك الف خير
تحياتي للجميع

مرحبا اخوي
انا حصلت لواحد من الشباب موقف مشابه
لكن موقف رفيقي كان في مطار الملك خالد الدولي .. كنا ناخذ البوردنقات .. ورفض موضف الخطوط ان يعطية البوردنق
بصراحه وقتها زعلنا كلنا .. لكن نحمد الله انها جت على كذا .. لانه لو راح كان صار له نفس موقف الشخص اللي قابلك
حتى ان موظف الخطوط حلف بالله انه لو سافر راح يرجع على اقرب طياره .. وقتها صدقناه
وسوا صديقي جوازه ثاني يوم ولحقنا على رحلة اليوم الثاني
والحمد لله تسهلت
اللي اعرفه ان الجواز لازم يكون فيه اكثر من 6 اشهر لشرق أسيا .. و3 اشهر للدول العربية
ولازم الشخص يتأكد قبل لايدخل في متاهات هو في غنى عنها
تحياتي

ماله الا الاتصال بالسفارة
او الرجوع مع اقرب طيارة والله يخلف عليه
وإن شاء الله انها خيرة له

صح لسانك ياشايب معصقل

نفس الموقف حصل مع احد المسافرين السعوديين الي كانوا معاي في الرحلة وما دفعنا الا 100 دولار على ما اذكر وزين اننا فزعنا له والا المسكين جالس يدور كيف يرجع ما يدري ان دهن السير يزحلق امورة كلها.

الله يعطيك العافيه وشكرا على التنبية

مرحبا بلجميع وصباح الخير من اول ساعة للدوام
والله كلامك عز الله انه صحيح هذا اللي صار مع واحد من الشباب وكان جوازة باقي علية خمسة شهور
واثنين وعشرين يوم وقال الموظف اللي في الكاونتر معصي عود يارجال يالطيب وش السالفة قال جوازك
مطوف عشرة ايام عن الدخول يعني مااقدر اختم جوازك ياغير بدل الله يرضى عليك قال مافيه مجال
وطلعنا من الصف قلت والله يابو سالم ان رجعت عز الله ابرجع معك قال يارجال ابي اروح للدمام وضبط
جوازي وارجع لك قلت جينا سواء نرجع سوى لكن فيه شغله بسيطة ابي اسويها إذا مشة ترانا الليلة
في الجبل ولا رجعنا للديرة سواء قال الله يكتب اللي فيه الخير وطالع يمين ويسار الا مابقى على الطابور
الا حدود خمسة ستة اشخاص قلت بقلبي يامسهل الامور سهل امري وفرجي همي وجالس انتظر متى
ينتهي الطابور يوم خلص الطابور الا يوم العسكر وحقين الجوازات كلهم اجتمعو واشر لواحد ويجي قلت
الموضوع كذا وكذا وكذا وش الحل قال اي شخص اللي قالك الكلام ذا قلت اللي قاعد يشرب الشاهي
ذاك قال بسيطة ويدخل مكتب ويضبط الجواز ويجيبة قلت له والله كفو هذي مية دولار تستاهل خويي
يطالع ياولد وش السالفة انت وش سويت الرجال خذا الجواز وجابة وانت عطيتة فلوس وش الموضوع
قلت مشينا نلحق على الشناط لاتروح قال والله صدق بنروح الجبل قلت لا بنروح للدمام على اقرب
طيارة ماتشوفني اضبط معة يالله باقي نص ساعة على الطيارة قال والله الحض الاقشر قلت بس بنخلص
شغله في جاكرتا وبعدين نروح تبيني اجيبلك اندومي شي قال لا ان انتظرك هنا قلت يالله ساعدني
في شيل الشناط لين السيارة قال برى المطار قلت اية عادي قال يالله شلت اشناطي وشناطة في السيارة
قال تعال ياولد وش تبي بالشناط وحنا رايحين للدمام قلت ركبتهم قال اية قلت اركب معي في السيارة
قال ابي اجلس في المطار زهقان من هالرطوبة قلت الجبل مافية رطوبة مشينا الجبل قال والله انك مريحني
من الهم اللي انا فيه لكن الله كريم ((((((((( انا ضحكة بصوت عالي يالمهبول ماشفت جوازك مختم وخالص
)))))))))))))))) الضعيف يقعد يحببنى قدام العالم
وعدة الازمة بسلام يعني انتبة وانا اخوك من جوازك

100 دولار وهو يضحك بعد
مره واحد جاي من حائل ومن حائل للرياض وبعدين طلعنا للشرقية ساعتين وبعدين على جاكرتا ووالله شوف عيني قالو له ادفع قال والله ما ادفع ولا ريال ويشق التذكره ويرميها وقال ما معي تذكره والله ويجي البوليس ويشقلونه للطياره واخوياه يناظرون ولا عاد ينفع 100 ولا 500 خلاص ركبوه الطياره ودق عليه واحد من اخوياه قال عيال الحرام سووها وركبوني في الطياره بيرجعوني للسعودية وطلعت لهم كل الفلوس اللي معي وقالوا لا "بولانق"
والله مواقف تضيق الصدر والمفروض الواحد ينتبه لمثل هالامور ويشيك على جوازه قبل لا يروح